ГалоўнаяНавіныКніжныя выстаўкі
Музычнае жыццё гарадоў Беларусі – Віцебск: па матэрыялах газет 1917 – пачатку 1918 г.
Вынікі XXXI Рэспубліканскага конкурсу “Бібліятэка – асяродак нацыянальнай культуры”

Невычэрпнае багацце слова

Невычэрпнае багацце слова
Іншыя навіны

Юбілейная выстаўка “Невычэрпнае багацце слова”, прысвечаная 70-годдзю беларускага мовазнаўца, доктара філалагічных навук, прафесара Івана Сямёнавіча Роўды, праходзіць з 1 чэрвеня па 3 ліпеня ў зале беларускай літаратуры (пам. 205).

Іван Сямёнавіч – аўтар больш за 240 навуковых і вучэбна-метадычных публікацый. У сферы яго навуковых інтарэсаў – супастаўляльнае вывучэнне рускай і беларускай моў, тэарэтычныя і практычныя пытанні лексікалогіі, словаўтварэння, граматыкі, выкладання рускай мовы як замежнай.

І.С. Роўда – вучань і паслядоўнік выдатнага беларускага мовазнаўца і педагога П.П. Шубы. Асобнае месца ў навукова-педагагічнай дзейнасці мовазнаўца займае стварэнне падручнікаў і вучэбных дапаможнікаў для агульнаадукацыйных і вышэйшых навучальных устаноў. Ён надае вялікую ўвагу падрыхтоўцы таленавітай моладзі, інтэлектуальнаму развіццю школьнікаў і абітурыентаў, іх прафесійнай арыентацыі.

Прафесар Роўда з’яўляецца членам вучоных саветаў філалагічнага факультэта БДУ, членам шэрагу саветаў па абароне дысертацый.

У першым раздзеле выстаўкі “З вечных крыніц” прадстаўлены шматлікія падручнікі па беларускай і рускай мовах, вучэбныя праграмы для 11–12 класаў сярэдняй школы, экзаменацыйныя тэсты па беларускай і рускай мовах, дапаможнікі для агульнаадукацыйных школ, гімназій, ліцэяў, абітурыентаў, настаўнікаў, а таксама перыядычныя выданні з навуковымі публікацыямі мовазнаўца.

Другі раздзел “Талент і праца” прысвечаны І.С. Роўду як рэдактару шматлікіх кніг і выданняў.

Дапаўняюць экспазіцыю публікацыі, змешчаныя ў энцыклапедычных выданнях, артыкулы аб жыцці і творчасці Івана Сямёнавіча.


Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Навіны

Вэбінар па тэхналогіях дапоўненай і віртуальнай рэальнасці ў краязнаўчай дзейнасці бібліятэк

21 Вер 2023

20 верасня адбыўся вэбінар па тэме “Тэхналогіі дапоўненай і віртуальнай рэальнасці ў краязнаўчай дзейнасці ўстаноў культуры (бібліятэк)”.

Навіны Нацыянальнай бібліятэкі Беларусі

Нацыянальную бібліятэку Беларусі наведала дэлегацыя з Камчацкага краю

20 Вер 2023

Візіт дэлегацыі з Камчацкага краю Расійскай Федэрацыі быў прымеркаваны да маючага адбыцца 170-годдзя Петрапаўлаўскай абароны – адной з найбольш значных падзей Крымскай вайны 1853–1856 гг.

Навіны Нацыянальнай бібліятэкі Беларусі

Нацыянальная бібліятэка на беларуска-расійскай дыскусійнай пляцоўцы ВНУ культуры і мастацтваў

21 Вер 2023

Дыскусійная пляцоўка “Устойлівае развіццё бібліятэк ва ўмовах культурнай і лічбавай інтэграцыі” прайшла 14 верасня на базе Нацыянальнай бібліятэкі Беларусі ў рамках міжнароднага кангрэса “ВНУ культуры і мастацтваў у міжнародным гуманітарным супрацоўніцтве: глабальныя выклікі і стратэгія дзеянняў”.

Навіны Нацыянальнай бібліятэкі Беларусі

Запрашаем вас на новую экскурсію па Нацыянальнай бібліятэцы – “Таямніцы “алмаза ведаў”

21 Вер 2023

Падчас новай унікальнай экскурсіі госці не толькі пазнаёмяцца з гісторыяй Нацыянальнай бібліятэкі, але і атрымаюць выключную магчымасць пабываць у самым яе сэрцы – на адным са шматлікіх паверхаў фондасховішча.

Навіны Нацыянальнай бібліятэкі Беларусі

Белая ластаўка Беларусі

20 Вер 2023

Юбілейная выстаўка “Белая ластаўка Беларусі”, прысвечаная 80-годдзю з дня нараджэння беларускай паэтэсы і перакладчыцы, заслужанага дзеяча мастацтваў Беларусі Ніны Мацяш (1943–2008), праходзіць з 20 верасня па 30 кастрычніка ў зале беларускай літаратуры (пам. 205).

Кніжныя выстаўкі

Бібліятэкарам