ГалоўнаяНавіныКніжныя выстаўкі
Легенды ў камянях і дрэве
Сусветная гандлёвая арганізацыя: эканоміка, палітыка, права

Пясняр гуманізму

Пясняр гуманізму
Іншыя Навіны

З 10 студзеня па 7 верасня на кальцавым калідоры 2-га паверха працуе выстаўка “Пясняр гуманізму”, прысвечаная 550-годдзю з дня нараджэння асветніка і паэта Міколы Гусоўскага (~1470 – пасля 1533).

Сярод сузор’я слаўных імён эпохі Адраджэння адно з пачэсных месцаў належыць Міколу Гусоўскаму – прадстаўніку новалацінскай паэзіі, аднаму з заснавальнікаў жанру ліра-эпічнай паэмы ў літаратуры Усходняй Еўропы. У гісторыі сусветнай культуры ёсць нямала прыкладаў, калі сапраўднае значэнне вялікага пісьменніка суайчыннікі адкрывалі і ўсведамлялі толькі праз многія дзесяцігоддзі і нават стагоддзі. Менавіта такі лёс Міколы Гусоўскага, які атрымаў еўрапейскую славу і сапраўднае прызнанне толькі праз чатыры стагоддзі пасля смерці.

Паэма Міколы Гусоўскага “Песня пра зубра” – самы вядомы твор, якому суджана доўгае жыццё і вялікая слава. Твор прасякнуты любоўю да роднага краю, глыбокім адчуваннем радзімы як месца адзінага і непаўторнага. Паэма стала выдатным помнікам літаратурнай спадчыны і духоўнай велічы ўсходнеславянскіх народаў.

На выстаўцы экспануецца каля 150 дакументаў. Гэта энцыклапедыі, кнігі, артыкулы з перыядычных выданняў пра жыццёвы шлях, светапогляд і асветніцкую дзейнасць знакамітага паэта-гуманіста.

Прадстаўлены выданні “Песні пра зубра” на беларускай, рускай, польскай, літоўскай і ўкраінскай мовах. Кнігі выдаваліся ў розныя гады і былі ілюстраваны такімі вядомымі мастакамі, як Арлен Кашкурэвіч, Уладзімір Савіч, Сяргей Харэўскі.

zubr.jpg

Сярод экспанатаў, прадстаўленых на выстаўцы, выданне, якое ініцыявана беларускім мастаком-графікам Юрыем Якавенкам. Кніга, выдадзеная ў Італіі, стваралася на паперы ручной работы з няроўнымі рванымі краямі, як калісьці рабілі рамеснікі. 13 гравюр, вытрыманыя ў стылі рэнесансу, былі створаны і падпісаны мастаком спецыяльна для гэтага выдання. Яго тыраж складае 130 асобнікаў, на выставе экспануецца 33-ці асобнік.

Таксама цікава будзе пазнаёміцца з факсімільным выданнем твораў М. Гусоўскага “Песня пра зубра”, “Новая і славутая перамога над туркамі ў ліпені месяцы”, “Жыццё і подзвігі св. Гіяцынта”, якое выйшла ў Літве ў 2007 г.

Выстаўка адрасуецца шырокаму колу чытачоў, якія цікавяцца літаратурай, гісторыяй і культурай Беларусі.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 29 80.

Матэрыял прадастаўлены аддзелам галерэйна-выставачнай дзейнасці.


zubr_af.jpg
   Чытайце таксама:
   Кніжны зубр пасяліўся ў Нацыянальнай бібліятэцы


Навіны

“На ўсходзе сонца”: заключны фільм кінатрылогіі “Доўгія вёрсты вайны”

19 Вер 2024

18 верасня зала дакументаў па мастацтве (пам. 306) у чарговы раз стала месцам прыцягнення прыхільнікаў творчасці Васіля Быкава і экранізацый яго глыбокіх твораў.

Навіны Нацыянальнай бібліятэкі Беларусі

Кніга – лепшы падарунак

19 Вер 2024

Напярэдадні святкавання Дня бібліятэк у рамках дабрачыннай акцыі “Год якасці: фарміруем фонды разам”, якая праводзіцца з мэтай дакамплектавання фондаў бібліятэк краіны, супрацоўнікі аддзела камплектавання фондаў на працягу ўсяго святочнага тыдня наведвалі бібліятэкі Рэспублікі.

Навіны Нацыянальнай бібліятэкі Беларусі

У Сафіі адзначылі Дзень народнага адзінства

18 Вер 2024

17 верасня да Дня народнага адзінства ў Рускім Доме ў Сафіі адкрылася фотавыстава “Беларусь: прыгожыя імгненні”, падрыхтаваная Нацыянальнай бібліятэкай Беларусі сумесна з тэлеканалам “Беларусь 24”.

Навіны Нацыянальнай бібліятэкі Беларусі

Танкіст-ас

20 Вер 2024

Званне Героя Савецкага Саюза Вітольду Міхайлавічу Гінтаўту (1922–1987) прысвоена Указам Прэзідыума Вярхоўнога Савета СССР ад 24 красавіка 1944 года “за ўзорнае выкананне баявых заданняў камандавання на фронце барацьбы з нямецкімі захопнікамі і праяўленыя пры гэтым адвагу і геройства”.

Праект "Імёны Герояў бессмяротныя"

Віншуем з юбілеем Наталлю Паўлаўну Алейнікаву!

18 Вер 2024

Наталля Паўлаўна, прыміце ад усяго калектыву Нацыянальнай бібліятэкі Беларусі віншаванні з цудоўнай юбілейнай датай! Моцнага здароўя на доўгія гады, невычэрпнага жаночага шчасця, багацця, цяпла ў доме і гармоніі ў душы. Няхай усё складаецца ўдала і гарманічна, жыццё будзе напоўнена яркімі фарбамі і толькі добрым настроем! Хай блізкія акружаюць клопатам і любоўю, спраўджваюцца самыя смелыя і грандыёзныя мары.

Партрэты: гісторыя бібліятэкі ў асобах

Уладар дзіцячых мар

17 Вер 2024

Юбілейная кніжная выстаўка “Уладар дзіцячых мар”, прысвечаная 75-годдзю беларускага пісьменніка Аляксея Мікалаевіча Якімовіча, праходзіць з 17 верасня па 20 кастрычніка ў зале беларускай літаратуры (пам. 205).

Кніжныя выстаўкі

Бібліятэкарам