З 4 студзеня па 4 лютага ў аддзеле абслугоўвання афіцыйнымі дакументамі (пам. 207) адкрыта кніжная выстаўка “Воднае супрацоўніцтва: вопыт мінулага і задачы будучыні”, прысвечаная Міжнароднаму году воднага супрацоўніцтва.
Генеральная Асамблея ААН абвясціла 2013 год Міжнародным годам воднага супрацоўніцтва на сваёй 65-й сесіі 20 снежня 2010 года (рэзалюцыя 65/154).
У рэзалюцыі адзначаецца вырашальнае значэнне водных рэсурсаў для ўстойлівага развіцця, уключаючы захаванне навакольнага асяроддзя і ліквідацыю галечы і голаду, для забеспячэння здароўя і дабрабыту людзей, а таксама дасягнення мэт у галіне развіцця, сфармуляваных у Дэкларацыі тысячагоддзя. Разам з тым у ёй выяўляецца занепакоенасць з прычыны маруднага і нераўнамернага руху да пастаўленай мэты – удвая скараціць праблемы насельніцтва, якое не мае пастаяннага доступу да бяспечнай пітной вады і асноўных паслуг у галіне санітарыі.
Агульны аб’ём вады на Зямлі складае прыкладна 1 400 млн куб. км, з якіх толькі 2,5 працэнта прыходзіцца на прэсную ваду. Галоўнымі крыніцамі вады, што спажывае чалавек, з’яўляюцца азёры, рэкі і рэзервуары падземных вод, якія залягаюць параўнальна неглыбока. Эксплуатацыйная частка гэтых рэсурсаў складае толькі каля 200 тыс куб. км – гэта менш як 1 працэнт усіх запасаў прэснай вады, а значная іх частка размешчана далёка ад населеных тэрыторый, што яшчэ больш абвастрае праблемы водаспажывання. Каля 1 млрд людзей у свеце не маюць доступу да чыстай пітной вады, а 2,6 млрд чалавек не маюць доступу да асноўных санітарных паслуг. Ад хвароб, звязаных з нячыстай вадой, памірае больш людзей, чым у выніку ўсіх форм насілля, уключаючы вайну. Па дадзеных ААН, да 2025 года дзве трэція насельніцтва Зямлі будуць пакутаваць ад нястачы водных рэсурсаў. Такое становішча спраў з’яўляецца выклікам усяму чалавецтву і падрывае намаганні ў галіне развіцця. Вырашыць усе гэтыя праблемы можна толькі праз каардынацыю і сумесныя крокі зацікаўленых бакоў.
Міжнародны год воднага супрацоўніцтва павінен стаць платформай для аб’яднання намаганняў, прадпрымаемых ААН, іншымі міжнароднымі і рэгіянальнымі арганізацыямі, урадамі, грамадзянскай супольнасцю і бізнесам для таго, каб павысіць дасведчанасць пра праблемы ў галіне водных рэсурсаў і шляхі іх рашэння. Тым самым Год будзе садзейнічаць стварэнню спрыяльнага асяроддзя для выпрацоўкі новых ідэй і пошуку найбольш эфектыўных шляхоў дасягнення міжнародна ўзгодненых мэт у сферы аднаўлення і захавання запасаў прэснай вады і воднага супрацоўніцтва на глабальным, рэгіянальным, нацыянальным і мясцовым узроўнях.
Воднае супрацоўніцтва павінна быць заснавана на прынцыпах устойлівага развіцця і спрыяць справядліваму эканамічнаму росту і ўмацаванню чалавечага патэнцыялу ва ўсіх агульных водных аб’ектах. Неабходна павысіць давер паміж усімі зацікаўленымі бакамі трансгранічнага кіравання воднымі рэсурсамі і спрыяць рэалізацыі інтэграванага кіравання воднымі рэсурсамі на ўсіх узроўнях. На выстаўцы прадстаўлена звыш 100 дакументаў на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Экспазіцыя ўключае наступныя тэматычныя раздзелы:
- Водныя рэсурсы свету, іх стан і выкарыстанне.
- Воднае супрацоўніцтва: міжнародныя прававыя дакументы ў галіне аховы, захавання і выкарыстання водных рэсурсаў.
- Міжнародныя вадацёкі: ахова і кіраванне трансгранічнымі воднымі рэсурсамі.
- Дэфіцыт прэснай вады – глабальная праблема.
- Выкарыстанне, стан і ахова водных рэсурсаў Рэспублікі Беларусь.
Выстаўка будзе цікавая вучоным, студэнтам, аспірантам, спецыялістам у галіне гідралогіі, эканомікі прыродакарыстання, аховы навакольнага асяроддзя і ўсім, хто цікавіцца праблемамі экалагічнай абароны водных рэсурсаў.
Кантактны тэлефон: (8 017) 293 27 34.
Карысныя спасылкі
- Сусветны дзень водных рэсурсаў
- Дзесяцігоддзе “Вада для жыцця”
- Сетка “ААН – водныя рэсурсы”
- Вада і санітарыя
- Сусветны дзень акіянаў (8 чэрвеня)
- Сусветны дзень водных рэсурсаў (22 сакавіка)
- Міжнародны год прэснай вады (2003 год)
- Міжнародны год санітарыі (2008 год)
- ААН працуе для людзей і планеты
- ААН працуе над праблемамі захавання прэснай вады
- Савет па супрацоўніцтве ў галіне водазабеспячэння і санітарыі
- Сусветны водны савет
- Еўрапейская ініцыятыва па пытаннях водазабеспячэння
Дакументы
- Даклад аб развіцці чалавека 2006 “Што хаваецца за нястачай вады: улада, беднасць і глабальны крызіс водных рэсурсаў”
- UN-Water Annual Report 2010
- UN-Water Policy Brief on Water Quality
- Даведнік па механізме “ААН – водныя рэсурсы”
- Матэрыялы па пытаннях трансгранічных водных рэсурсаў:
- Захаванне якасці рэсурсаў прэснай вады і забеспячэнне ёю: ужыванне комплексных падыходаў да засваення водных рэсурсаў, вядзення воднай гаспадаркі і водакарыстання
Рэзалюцыі
- Генеральная Асамблея
- ЭКАСАС
- Даклады Генеральнага сакратара
- Дакументы Савета па правах чалавека
- Душанбінская дэкларацыя па скарачэнні бедстваў, звязаных з вадой