13 жніўня ў галерэі "Ракурс" (2-гі паверх) адбылося адкрыццё фотавыстаўкі "Жыццёвы шлях камандантэ Уга Чавеса".
Экспазіцыя арганізавана Пасольствам Баліварыянскай Рэспублікі Венесуэла сумесна з Нацыянальнай бібліятэкай Беларусі ў рамках святочных мерапрыемстваў з нагоды 61-й гадавіны з дня нараджэння камандантэ Уга Чавеса.
На фотавыстаўцы прадстаўлена 33 работы – адлюстраванне найважнейшых момантаў жыцця першага венесуэльскага прэзідэнта-рэвалюцыянера, пачынаючы з ранняга дзяцінства. Па прадстаўленых фатаграфіях наведвальнікі змогуць прасачыць, як чалавек, верны ідэалам барацьбы за справядлівасць, паступова ператвараецца ў лідэра Баліварыянскай рэвалюцыі і становіцца натхняльным прыкладам для нацый усяго свету.
У Беларусі з асаблівай павагай адносяцца да Уга Чавеса. Развіццё стратэгічных партнёрскіх адносін паміж Венесуэлай і Беларуссю, пачатак якім паклалі Уга Чавес і Аляксандр Лукашэнка, па-ранейшаму з’яўляецца прыярытэтным напрамкам у знешняй палітыцы абедзвюх краін.
Гасцей віталі часовы павераны ў справах Баліварыянскай Рэспублікі Венесуэла ў Рэспубліцы Беларусь Марыя Антонія Кабеса Авіла і першы намеснік дырэктара Нацыянальнай бібліятэкі Беларусі Алена Ерамееўна Далгаполава.
Тэлефоны для даведак: (8 017) 293 27 56; 293 28 33.
Е-mail: pr@nlb.by
 |
 |
 |
 |
 |
 |
 |
 |
 |
