ГалоўнаяНавіныМастацкія выстаўкі
Легендарная кнігарня “Вянок” вяртаецца ў Траецкае прадмесце
Факсіміле кніжнай спадчыны Скарыны прыняла ў дар Нацыянальная бібліятэка Сербіі

Захаваць Мір і абараніць Культуру: адкрылася выстаўка аб актуальнасці Пакта Рэрыха

Захаваць Мір і абараніць Культуру: адкрылася выстаўка аб актуальнасці Пакта Рэрыха
Іншыя Навіны

7 снежня ў бібліятэцы адкрыўся міжнародны выставачны праект “Пакт Рэрыха. Гісторыя і сучаснасць”.


Міжнародны цэнтр Рэрыхаў (МЦР) у 2016 годзе працягвае выставачную дзейнасць па папулярызацыі міратворчых ідэй рускага мастака, гуманіста, грамадскага дзеяча Мікалая Рэрыха. Праект стартаваў у 2012 годзе ў штаб-кватэры ЮНЕСКА ў Парыжы. У наступныя гады ён быў прадстаўлены ў Францыі, Аргенціне, Швейцарыі, Германіі, Чылі, Індыі, Нідэрландах, ЗША, Балгарыі, Аўстрыі, Фінляндыі, Расіі, Казахстане, Беларусі і іншых краінах.

Галоўны дэвіз Пакта Рэрыха – “Мір праз Культуру”. Мікалай Рэрых лічыў, што ўсе культурныя каштоўнасці нясуць духоўны зарад і, знішчаючы іх, чалавецтва знішчае аснову, на базе якой яно можа духоўна развівацца. Неацэнная заслуга Рэрыха ў тым, што ён быў першы ў сусветнай гісторыі, хто змог арганізаваць шырокі міжнародны рух у абарону сусветнай культурнай спадчыны.

Экспазіцыя выстаўкі ўключае каля 180 экспанатаў. Сярод іх – рэпрадукцыі карцін Мікалая Рэрыха, фатаграфіі, банеры, інфармацыйныя тэксты да шасці раздзелаў выстаўкі, узоры кніжнай прадукцыі МЦР.

Прадстаўленыя на выстаўцы фатаграфіі помнікаў культуры, разбураных падчас Другой сусветнай вайны і, на жаль, тых, якія падвергліся разбурэнню ў наш час, сведчаць аб актуальнасці Пакта Рэрыха і сёння. У лютым 2016 года за падрыхтоўку і рэалізацыю гэтага выставачнага праекта Міжнародны цэнтр Рэрыхаў быў намінаваны на Нобелеўскую прэмію міру.

Кіраўнік аддзела выставак Міжнароднага цэнтра Рэрыхаў Уладзімір Пупышаў паднёс ў дар Нацыянальнай бібліятэцы двухтомнае выданне “Каталог. Живопись и рисунок” аб спадчыне Рэрыхаў, трохтомнік Ю.М. Рэрыха “История Средней Азии”, кнігу Дж. Кімельфельда “Размышления”. У цырымоніі адкрыцця прынялі ўдзел загадчык аддзела галерэйна-выставачнай дзейнасці Нацыянальнай бібліятэкі Беларусі Вольга Давідовіч, другі сакратар пасольства Індыі ў Рэспубліцы Беларусь Верма Піюш, кансультант прадстаўніцтва Рассупрацоўніцтва Наталля Аралёва, першы намеснік старшыні аддзялення Міжнароднага цэнтра Рэрыхаў у Беларусі Людміла Шасціракова.

Наведаць экспазіцыю можна да 16 лютага 2017 года.

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

“На ўсходзе сонца”: заключны фільм кінатрылогіі “Доўгія вёрсты вайны”

19 Вер 2024

18 верасня зала дакументаў па мастацтве (пам. 306) у чарговы раз стала месцам прыцягнення прыхільнікаў творчасці Васіля Быкава і экранізацый яго глыбокіх твораў.

Навіны Нацыянальнай бібліятэкі Беларусі

Кніга – лепшы падарунак

19 Вер 2024

Напярэдадні святкавання Дня бібліятэк у рамках дабрачыннай акцыі “Год якасці: фарміруем фонды разам”, якая праводзіцца з мэтай дакамплектавання фондаў бібліятэк краіны, супрацоўнікі аддзела камплектавання фондаў на працягу ўсяго святочнага тыдня наведвалі бібліятэкі Рэспублікі.

Навіны Нацыянальнай бібліятэкі Беларусі

У Сафіі адзначылі Дзень народнага адзінства

18 Вер 2024

17 верасня да Дня народнага адзінства ў Рускім Доме ў Сафіі адкрылася фотавыстава “Беларусь: прыгожыя імгненні”, падрыхтаваная Нацыянальнай бібліятэкай Беларусі сумесна з тэлеканалам “Беларусь 24”.

Навіны Нацыянальнай бібліятэкі Беларусі

Віншуем з юбілеем Наталлю Паўлаўну Алейнікаву!

18 Вер 2024

Наталля Паўлаўна, прыміце ад усяго калектыву Нацыянальнай бібліятэкі Беларусі віншаванні з цудоўнай юбілейнай датай! Моцнага здароўя на доўгія гады, невычэрпнага жаночага шчасця, багацця, цяпла ў доме і гармоніі ў душы. Няхай усё складаецца ўдала і гарманічна, жыццё будзе напоўнена яркімі фарбамі і толькі добрым настроем! Хай блізкія акружаюць клопатам і любоўю, спраўджваюцца самыя смелыя і грандыёзныя мары.

Партрэты: гісторыя бібліятэкі ў асобах

Уладар дзіцячых мар

17 Вер 2024

Юбілейная кніжная выстаўка “Уладар дзіцячых мар”, прысвечаная 75-годдзю беларускага пісьменніка Аляксея Мікалаевіча Якімовіча, праходзіць з 17 верасня па 20 кастрычніка ў зале беларускай літаратуры (пам. 205).

Кніжныя выстаўкі

Назаўжды разам!

17 Вер 2024

17 верасня 1939 года – найважнейшы дзень у гісторыі беларускага народа. Менавіта тады пачаўся вызваленчы паход Чырвонай арміі, які дапамог працоўным Заходняй Беларусі зліцца з БССР. Ажыццявілася запаветная мара беларускага народа зноў стаць адзіным цэлым.

Выставачныя мультыпраекты

Бібліятэкарам