Другі год у межах мінскай Бібліяночы Нацыянальная бібліятэка становіцца месцам сустрэчы для шматлікіх аматараў чытання, кніг, музыкі, танцаў, для ўсіх, хто даражыць жывымі зносінамі, умее цаніць і напаўняць свой час радаснымі эмоцыямі.
Ператварыўшыся на адзін вечар у машыну часу, NLB дазволіла жыхарам і гасцям сталіцы ў чарговы раз пераканацца – час культуры заўсёды актуальны, незалежна ад таго, якое стагоддзе і год цяпер у календары.
Акцыя скончылася, яе ўрачыстае закрыццё адбылося. Падарункам для самых стойкіх гасцей стала выступленне ўдзельнікаў акадэміі мюзікла “Ревю” пад кіраўніцтвам Наталлі Раманавай і вядомага беларускага дуэта “Аляксандра і Канстанцін”.
Дарагія сябры, часавы партал зачыніўся – вяртаемся ў сучаснасць і з аптымізмам глядзім у будучыню. Нягледзячы на тое, што яго неад’емнай часткай сталі смартфоны і гаджэты, давайце часцей браць у рукі кнігу, якая з’яўляецца не толькі правадніком ў часе, але і надзейным спадарожнікам у жыцці.
Незвычайная Бібліяноч-2018 завяршылася, але мы спадзяёмся, што наперадзе нас чакаюць новыя сустрэчы і не адзін сумесна праведзены “бібліядзень”.
Дзякуй усім, хто ствараў гэты вечар – арганізатарам-партнёрам, удзельнікам, гасцям! Да новых сустрэч! Дабранач!