З 15 па 29 верасня ў Нацыянальнай бібліятэцы Беларусі адкрыты тэставы доступ да рэсурсаў кампаніі “Datamonitor”.
“Marketline” – шматпрофільная база даных, якая ўключае ўнікальную калекцыю крыніц інфармацыі пра арганізацыі і галіны прамысловасці, а таксама асноўныя кірункі яе развіцця ў больш чым 200 краінах свету. У базе прадстаўлены фінансавая інфармацыя, навіны, аналітыка. Абнаўленне рэсурсу выконваецца праз кожныя тры гадзіны.
“Business Insights” ажыццяўляе доступ да бібліятэкі матэрыялаў па стратэгічным кіраванні. Штогод база папаўняецца больш чым на 100 дакументаў, якія заснаваны на унікальных маркетынгавых даследаваннях. Разглядаецца дынаміка развіцця сусветнага рынку, даюцца прагнозы на яго аб’ём і склад. Матэрыялы базы адлюстроўваюць тэндэнцыі развіцця лёгкай прамысловасці, медыцынскай тэхнікі, энергетыкі, тэхналогіі і эканомікі прамысловасці.
