Рэгіянальны зводны электронны каталог бібліятэк Мінскай вобласці папоўніўся на 22 958 бібліяграфічных запісаў на дакументы, якія захоўваюцца ў фондах Нотна-навуковай бібліятэкі Беларускай дзяржаўнай акадэміі музыкі.
Сярод іх: даведачныя выданні, мастацкая і замежная літаратура, рэдкія кніжныя выданні канца XIX – першай паловы ХХ ст. па музыцы і музычнай культуры, галіновыя выданні, вучэбна-метадычная літаратура па музычна-гістарычных дысцыплінах, а таксама навуковыя артыкулы па сусветнай музычнай культуры, жыцці і творчасці айчынных і замежных кампазітараў.
На сённяшні момант РЗЭК бібліятэк Мінскай вобласці налічвае звыш 682 тысяч бібліяграфічных запісаў на дакументы з фондаў дзевяці бібліятэчных устаноў.
Каталог дазваляе чытачам:
- аператыўна атрымліваць звесткі аб наяўнасці і месцазнаходжанні дакументаў, даючы новыя магчымасці пошуку інфармацыі, у тым ліку і краязнаўчага характару;
- шукаць паўнатэкставыя дакументы з найбуйнейшых пошукавых сістэм і інфармацыйных сховішчаў, прапаноўваючы аддалены доступ да рэсурсаў.
Матэрыял пададзены аддзелам бібліятэчна-інфармацыйных тэхналогій.