23 снежня дзіцячы пакой запрашае хлопчыкаў і дзяўчынак наведаць майстар-клас па вырабе аб'ёмных упрыгожанняў з паперы “Гірлянды развесілі, сталі ў карагод…”.
Новы год – адно з самых любімых і доўгачаканых свят для дарослых і дзяцей! Гэтае чарадзейнае свята ўжо не за гарамі, але яшчэ засталося трохі часу, каб да яго падрыхтавацца. Зялёная ёлачка – галоўная госця на навагоднім свяце, і таму трэба стварыць для яе прыгожы ўбор. Самыя лепшыя ўпрыгожанні – тыя, што зроблены сваімі рукамі.
На занятках дзеці змайструюць арыгінальныя цацкі і навагоднія гірлянды, якія дапамогуць упрыгожыць свята. Дзяўчынкі і хлопчыкі таксама пазнаёмяцца з песнямі і вершамі пра зіму, прымуць удзел у музычных гульнях і паглядзяць цікавы мультфільм.
Запрашаюцца дзеці 5–9 гадоў.
Час правядзення заняткаў: 18.00–19.30.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс на мерапрыемства па тэлефоне: (8 017) 293 25 34.
