Работнікі Нацыянальнай бібліятэкі пабывалі з пазнавальнай экскурсіяй у Нацыянальным акадэмічным Вялікім тэатры оперы і балета.
Наведванне Вялікага – гэта заўсёды падзея, а ў юбілейны сезон 90-годдзя тэатра – грандыёзная падзея. Вялікі тэатр – гонар беларускага народа, візітная картка краіны.
Падчас экскурсіі супрацоўнікі бібліятэкі даведаліся пра архітэктуру будынка і гісторыю тэатра, зазірнулі ў рэпетыцыйныя залы, спусціліся ў аркестравую яму, наведалі рэквізітарскую, убачылі месца захоўвання дэкарацый і касцюмаў, пазнаёміліся з унікальнымі магчымасцямі сцэны, адметнасцямі глядзельнай залы і тонкасцямі падрыхтоўкі спектакляў.
Экскурсія падарыла калектыву незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.
