27–28 кастрычніка ў Бішкеку адбыўся XI Форум творчай і навуковай інтэлігенцыі дзяржаў – удзельніц СНД.
Форум праводзіцца пры падтрымцы Міждзяржаўнага фонду гуманітарнага супрацоўніцтва дзяржаў – удзельніц СНД (МФГС) і Дзяржаўнай дырэкцыі па падрыхтоўцы і правядзенні Года гісторыі і культуры пры ўрадзе Кыргызскай Рэспублікі.
У форуме прынялі ўдзел вядомыя дзеячы навукі, культуры, адукацыі, прадстаўнікі маладзёжных, грамадскіх арганізацый, міністэрстваў і ведамстваў Арменіі, Азербайджана, Беларусі, Казахстана, Кыргызстана, Малдовы, Расіі, Таджыкістана, Туркменістана, Узбекістана.
На пленарных пасяджэннях і профільных секцыях былі разгледжаны розныя аспекты прафесійнага ўзаемадзеяння: “Развіццё дыялогу культур на прасторы СНД”, “Даступнасць і якасць адукацыі ў агульнай прасторы Садружнасці”, “Роля моладзі ў еўразійскай інтэграцыі”, “Турызм як фактар паскарэння інтэграцыйных працэсаў”.
У рамках форуму адбылася цырымонія ўзнагароджання лаўрэатаў Міжнароднай маладзёжнай прэміі МФГС “Садружнасць дэбютаў” і прэзентацыя Культурнай сталіцы СНД 2017 года – азербайджанскага горада Гянджа.
Удзел у пасяджэннях форуму прыняў намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі, старшыня Міжнароднай асацыяцыі беларусістаў Аляксандр Аляксандравіч Суша. Ён выступіў з паведамленнем аб міжкультурных узаемаадносінах у кантэксце гісторыі і сучаснасці Беларусі, анансаваў святкаванне 500-годдзя беларускага кнігадрукавання, да якога рыхтуецца краіна, і запрасіў прадстаўнікоў творчай і навуковай інтэлігенцыі краін – удзельніц СНД далучыцца да гэтых урачыстасцей.