9 і 10 чэрвеня ў бібліятэцы пройдзе фотавыстаўка “Пермскія багі. Вобраз. Месца. Час”.
“Пермскія багі” – адзін з галоўных сімвалаў Пермскага краю, унікальная драўляная скульптура, якая адлюстроўвае яго гісторыю. Мясцовыя народы, здаўна вызнаваўшыя язычніцтва, з прыходам хрысціянства не змаглі адразу прыняць іконы. Насуперак забароне, народныя майстры сталі адлюстроўваць шанаваныя праваслаўныя вобразы ў выглядзе статуй, выразаных з дрэва. Унікальнае ў гэтых постацях усё: тэхніка выканання, сюжэты, а галоўнае, святыя лікі, выкананыя “па вобразе і падабенстве сваім”, маюць нацыянальныя рысы карэннага насельніцтва.
Фотавыстаўка адлюстроўвае гісторыю незвычайных драўляных скульптур: дзе і кім яны былі знойдзены, архіўныя фота, а таксама здымкі сучасных пермскіх фатографаў. У экспазіцыю ўвайшлі працы Сяргея Тартакоўскага, чые фатаграфіі склалі кнігу “Пермская драўляная скульптура”, пермскага майстра Анатолія Далматава, маскоўскага фотамастака Міхаіла Каламкарава, а таксама фатографа Валерыя Зароўняных, які адлюстраваў у сваіх здымках жыццё галерэі – ад падрыхтоўкі выставак да эмоцый гледачоў.
Так што фотавыстаўка драўляных скульптур і гісторыі іх набыцця Пермскай мастацкай галерэяй – гэта збор прац многіх вядомых і пакуль невядомых фатографаў амаль за цэлае стагоддзе. Гэта фатаграфіі захаплення, здзіўлення пермскімі багамі, людзьмі і краем, а таксама даніна пашаны ім.
Адкрыццё экспазіцыі адбудзецца 9 чэрвеня а 16-й гадзіне ў галерэі “Атрыум” (3-ці паверх).
Наведаць фотавыстаўку можна 9 чэрвеня (з 10.00 да 20.00) і 10 чэрвеня (з 10.00 да 14.00).
Тэлефоны для даведак: (8 017) 266 37 37, 293 28 33, 293 27 56.
Е-mail: pr@nlb.by
