Дзеці даведаліся, што ў старажытнасці кітайцы выкарыстоўвалі для пісьма чарапахавыя панцыры і косці жывёл. Сярод іншых матэрыяльных носьбітаў старажытнакітайскага пісьма вядомы таксама бамбукавыя планкі, звязаныя паміж сабой вяроўкай. Кітайскае традыцыйнае пісьмо адрозніваецца тым, што іерогліфы запісваюцца зверху ўніз, а слупкі ідуць справа налева. Такая форма пісьма называецца вертыкальнай.

Наведвальнікі музейных заняткаў паспрабавалі самі стварыць “бамбукавыя кнігі”: яны звязвалі планачкі паміж сабой, выкарыстоўваючы палачкі для марожанага і ніткі. Мадэліраванне з палачак ад марожанага – асаблівы від творчасці. Як паказала практыка, працаваць з палачкамі так проста і цікава!

На фота: удзельнікі заняткаў “Бамбукавыя кнігі” – вучні сярэдняй школы № 172 г. Мінска.

Запрашаем дзіцячыя групы далучыцца да праекта “У госці да кніг”. Ім прапануюцца заняткі, якія знаёмяць з бібліятэкай і беларускай кніжнай спадчынай.

Прымаюцца заяўкі ад груп з 10–25 чалавек.

Працягласць: 60 хвілін.

Кошт: 4 руб. 50 кап. / 1 чалавек.

Інфармацыя і запіс па тэлефонах:
(8 017) 293 27 82, (8 044) 579 39 07, (8 029) 387 60 95.

Матэрыял прадастаўлены навукова-даследчым аддзелам кнігазнаўства.