19 снежня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана штомесячная тэматычная сустрэча з адвакатам “Ведаем свае правы: завяшчанне, атрыманне спадчыны, дарэнне”.
З лекцыяй выступіла практыкуючы адвакат Мінскай абласной калегіі адвакатаў Ірына Эдуардаўна Несцяровіч.
На сустрэчы былі падрабязна асветлены прававыя пытанні ў рамках дзеючага заканадаўства Рэспублікі Беларусь, звязаныя з атрыманнем спадчыны, афармленнем завяшчання, выбарам паміж завяшчаннем і дарэннем і г.д.
Тэма выклікала вялікую цікавасць у наведвальнікаў бібліятэкі, якія атрымалі кампетэнтныя і вычарпальныя адказы спецыяліста на шматлікія пытанні.
У рамках мерапрыемства экспануецца тэматычная выстаўка літаратуры з фондаў Нацыянальнай бібліятэкі Беларусі, прадстаўленая ў зале прававой інфармацыі (пам. 207b).
Матэрыял прадастаўлены аддзелам абслугоўвання афіцыйнымі дакументамі.