ГалоўнаяНавіныНавіны Нацыянальнай бібліятэкі Беларусі
Музейныя заняткі “Формы і матэрыялы кнігі”
На творчай сустрэчы “Апантаны Бацькаўшчынай” з 90-годдзем павіншавалі акадэміка Радзіма Гарэцкага

Народжаны ў калысцы беларускай: у Маскве адкрылася выстаўка да 220-годдзя Адама Міцкевіча

Народжаны ў калысцы беларускай: у Маскве адкрылася выстаўка да 220-годдзя Адама Міцкевіча
Іншыя навіны

13 снежня ў Маскве ў Дзелавым і культурным комплексе Пасольства Рэспублікі Беларусь у Расійскай Федэрацыі прайшло мерапрыемства, прысвечанае 220-годдзю з дня нараджэння Адама Міцкевіча.

З прывітальным словам выступіў старшы саветнік, начальнік Дзелавога і культурнага комплексу Пасольства Рэспублікі Беларусь у Расійскай Федэрацыі Васіль Чэрнік. Ён адзначыў важнасць літаратурнай спадчыны Адама Міцкевіча для Беларусі, які апеў сваю малую радзіму – Наваградчыну.

У рамках мерапрыемства адкрылася кніжна-ілюстрацыйная выстаўка “Народжаны ў калысцы беларускай”, прысвечаная юбілею паэта. Намеснік дырэктара Нацыянальнай бібліятэкі Беларусі Таццяна Кузьмініч распавяла аб экспазіцыі, якая прадстаўляе каля 40 выданняў з фондаў Нацыянальнай бібліятэкі Беларусі. Гэта зборнікі выбраных твораў і публікацыі розных гадоў бессмяротных паэм “Пан Тадэвуш”, “Гражына”, “Конрад Валенрод”, “Дзяды”.

Сярод дакументаў у экспазіцыі – юбілейныя выданні паэмы “Пан Тадэвуш”, якія выходзілі ў Беларусі, Расіі і Польшчы і аформленыя вядомымі мастакамі і графікамі. Таксама на выстаўцы прадстаўлены кнігі, прысвечаныя даследаванням жыцця і творчасці Адама Міцкевіча, у тым ліку яго сувязям з беларускім краем, і даведнікі па Дому-музею Адама Міцкевіча ў Наваградку.

У мерапрыемстве ўзялі ўдзел прадстаўнікі дзелавых, грамадскіх і навуковых колаў Расіі, творчай інтэлігенцыі і шырокая публіка.

У заключэнне вечара гасцям мерапрыемства Беларускі паэтычны тэатр аднаго акцёра “Зніч” прадставіў першую нацыянальную монаоперу “Адзінокі птах” пра жыццё і смерць Адама Міцкевіча.

Матэрыял прадастаўлены аддзелам сувязей з грамадскасцю.

Навіны

Сны aб Беларусі ў Нацыянальнай бібліятэцы

25 Кра 2024

25 красавіка ў бібліятэцы адбылoся адкрыццё выстаўкі “Сны аб Беларусі”, прымеркаванай да 80-годдзя Вызвалення Беларусі ад нямецка-фашысцкіх захопнікаў і 85-годдзя з дня нараджэння народнага мастака Беларусі Васіля Шаранговіча.

Навіны Нацыянальнай бібліятэкі Беларусі

Майстры беларускай культуры. Уладзімір Саўчык

25 Кра 2024

Культурна-асветніцкая акцыя “Майстры беларускай культуры. Уладзімір Саўчык», якая прайшла 23 красавіка, стала працягам святкавання Сусветнага дня кнігі і аўтарскага права ў Нацыянальнай бібліятэцы Беларусі.

Навіны Нацыянальнай бібліятэкі Беларусі

Мінская гарадская канферэнцыя "На фронце і ў тыле: жанчыны Вялікай Айчыннай вайны"

25 Кра 2024

Старшыня пярвічнай арганізацыі грамадскага аб'яднання “Беларускі саюз жанчын” Нацыянальнай бібліятэкі Беларусі Наталля Есіс прыняла ўдзел у Мінскай гарадской канферэнцыі “На фронце і ў тыле: жанчыны Вялікай Айчыннай вайны” (19 красавіка), прымеркаванай да знакавай даты – 80-годдзя вызвалення Беларусі ад нямецка - фашысцкіх захопнікаў.

Навіны Нацыянальнай бібліятэкі Беларусі

Адам Шаняўскі і бібліятэчны фонд павятовай школы Нясвіжа (апошняя чвэрць XVIII ст.)

25 Кра 2024

24 красавіка на Міжнароднай навукова-практычнай канферэнцыі “Румянцаўскія чытанні – 2024” у Маскве галоўны бібліёграф аддзела даведачна-інфармацыйнага абслугоўвання Вольга Палунчанка прадставіла даклад “Роля Адама Шаняўскага ў арганізацыі бібліятэчнага фонду Нясвіжскай павятовай школы (апошняя чвэрць XVIII ст.)”.

Навіны Нацыянальнай бібліятэкі Беларусі

Нацыянальная бібліятэка адзначыла Сусветны дзень кнігі і аўтарскага права і Міжнародны дзень інтэлектуальнай уласнасці

24 Кра 2024

23 красавіка ў бібліятэцы адбыўся адукацыйны семінар “Аўтарскае права ва ўмовах лічбавай трансфармацыі”, арганізаваны сумесна з Нацыянальным цэнтрам інтэлектуальнай уласнасці пры ўдзеле юрыдычнага факультэта Беларускага дзяржаўнага ўніверсітэта.

Навіны Нацыянальнай бібліятэкі Беларусі

Міжнародны семінар “Рэстаўрацыя дакументаў часоў Вялікай Айчыннай вайны”

24 Кра 2024

22 красавіка ў рамках праграмы прафесійнага развіцця “Культурная спадчына як аснова міжкультурнага дыялогу. Стратэгіі захаванасці ў Расіі і Беларусі” ў Нацыянальнай бібліятэцы Беларусі адбыўся семінар “Рэстаўрацыя дакументаў часоў Вялікай Айчыннай вайны”.

Навіны Нацыянальнай бібліятэкі Беларусі

Бібліятэкарам