3 кастрычніка ў Рэспубліканскай навуковай медыцынскай бібліятэцы адбылося пасяджэнне Савета бібліятэк Беларусі па інфармацыйным узаемадзеянні.
У пасяджэнні, на якім старшынёй быў дырэктар Нацыянальнай бібліятэкі Беларусі Р.С. Матульскі, узялі ўдзел кіраўнікі рэспубліканскіх і абласных бібліятэк, прадстаўнікі Нацыянальнай бібліятэкі Беларусі.
Былі разгледжаны наступныя пытанні:
- Развіццё зводнага электроннага каталога бібліятэк Беларусі: па выніках выканання задання 23 дзяржаўнай праграмы "Культура Беларусі" этап 2012 – 9 месяцаў 2013 г.
- Аб закупцы баз даных для віртуальнай чытальнай залы на 2014 г.
- Аб удзеле бібліятэк Беларусі ў Выстаўцы электронных інфармацыйных рэсурсаў і сэрвісаў 23–24 кастрычніка 2013 г.
- Аб зменах у складзе Савета бібліятэк Беларусі па інфармацыйным узаемадзеянні.
Работа Савета бібліятэк Беларусі па інфармацыйным узаемадзеянні атрымала станоўчую ацэнку прысутных.