Супрацоўнікі Нацыянальнай бібліятэкі Беларусі, прадстаўнікі пярвічнай арганізацыі РГА “Белая Русь” пабывалі ў Цэнтры экалагічнага турызму “Станькава”, размешчаным на тэрыторыі Дзяржынскага раёна Мінскай вобласці.
Калектыў наведаў экапарк, заасад і каняферму. Прайшоў сцежкамі ваенна-гістарычнага комплексу “Партызанскі лагер”, рэканструяванага на падставе арыгінальных дакументаў. Усяго ў лагеры 10 зямлянак: камандзіра з картамі і марзянкай, штабная з радыёстанцыяй, зброевая майстэрня з самаробнымі аўтаматамі таго часу, друкарня, лясная школа, санчастка і інш.
Паездка ў цэнтр “Станькава” падарыла ўсім незабыўныя ўражанні і станоўчыя эмоцыі.
Матэрыял пададзены прафсаюзным камітэтам НББ.
