У прэзентацыі прынялі ўдзел ініцыятар выдання – заснавальнік Музея мініяцюрнай кнігі ў г. Баку Зарыфа Салахава, аўтары тэкстаў – намеснік дырэктара Нацыянальнай бібліятэкі Беларусі Алесь Суша і загадчык аддзела бібліятэкі Галіна Кірэева, а таксама прадстаўнікі Міністэрства інфармацыі Рэспублікі Беларусь, пасольства Азербайджана ў Беларусі.

Як паведаміў Алесь Суша, кніга ўбачыла свет у выдавецтве Indigo print у серыі “Кніжная спадчына Францішка Скарыны”, дзякуючы ўдзелу Нацыянальнай бібліятэкі Беларусі і Кангрэса азербайджанскіх супольнасцей Рэспублікі Беларусь.

У кнізе 217 старонак, на якіх, акрамя сучасных тэкстаў, прыведзена факсімільнае ўзнаўленне “Кнігі Юдзіфі”, выдадзеннай Скарынам у Празе 9 лютага 1519 г. У прадмове да кнігі Скарына коратка выкладае гісторыю Асірыйскай, Вавілонскай і Персідскай дзяржаў, а таксама абставіны патрыятычнага ўчынку Юдзіфі.

Кніга была выдадзена на царкоўнаславянскай мове беларускай рэдакцыі. Да гэтага часу захавалася 9 экзэмпляраў выдання.

“Кніга Юдзіфі” – старазапаветная біблейская кніга, якая апісвае гісторыю аб уратаванні ізраільскай удавой свайго горада ад нашэсця асірыйцаў.

Сёлетняя акцыя прымеркавана да 500-годдзя пачатку Скарынам беларускага кнігадрукавання. Нагадаем, першай беларускай друкаванай кнігай стала менавіта Біблія.

Крыніца: Katolik.life

Чытайце таксама:

Прэзентавалі наноў выдадзеную кішэнную кнігу Скарыны

Інфармацыйныя рэсурсы

Паслугі