З 1 па 27 ліпеня ў Кракаве (Польшча) для маладых грамадзян Беларусі адбыліся моўныя курсы ў рамках міжнароднага адукацыйнага праекта “Roots and Treetops / Карані і вершаліны”.
Арганізатарамі праекта выступілі Інстытут імя Гётэ ў Мінску і Брытанскі савет (British Council).
120 маладых людзей з Беларусі прайшлі суперінтэнсіўныя курсы англійскай мовы ў г. Кракаве, на якіх працавалі высокакваліфікаваныя выкладчыкі па сучасных камунікатыўных методыках, што дазволіла хутка і якасна павысіць узровень ведання мовы.
Нацыянальную бібліятэку Беларусі ў дадзеным праекце прадстаўлялі загадчык аддзела камплектавання электронных інфармацыйных рэсурсаў Лапо В.П. і вядучы метадыст НДА кнігазнаўства Паланейчык К.В.
У рамках праекта ўдзельнікі таксама сустрэліся з прадстаўнікамі арганізацый Еўрапейскага саюза, якія расказалі пра яго структуру, дзейнасць інстытутаў, падзяліліся інфармацыяй пра міжнародныя культурныя праекты.