Кароткая і вычарпальная інфармацыя для жадаючых наведаць мерапрыемствы ў рамках II Еўрапейскіх гульняў размешчана на сайце ў падраздзеле “Гасцям і ўдзельнікам II Еўрапейскіх гульняў” раздзела “Спорт і турызм”.
Еўрапейскія гульні – найважнейшыя па значнасці пасля Алімпійскіх гульняў міжнародныя комплексныя спаборніцтвы сярод спартсменаў Еўропы. Гульні праводзяцца раз у чатыры гады пад кіраўніцтвам Еўрапейскіх алімпійскіх камітэтаў. Высокі статус гульняў і вопыт Беларусі ў правядзенні сусветных спартыўных чэмпіянатаў прывабіць у Мінск не толькі высакакласных спартсменаў, але і шматлікіх балельшчыкаў з усяго свету. Вэб-навігатар “Беларусь у інфармацыйнай прасторы” дапаможа ім зарыентавацца ў разнастайнай інфармацыі пра гульні, Мінск і Беларусь у цэлым, дэталёва арганізаваць сваю паездку і знаходжанне ў нашай сталіцы, каб атрымаць і забраць з сабой яркія ўражанні, захацець вярнуцца зноў.
На старонцы размешчаны актуальныя спасылкі на рэсурсы, якія раскрываюць інфармацыю аб II Еўрапейскіх гульнях. Адсюль можна перайсці на афіцыйны сайт гульняў, сайты дзяржаўных органаў і ўстаноў Беларусі, звязаных са спортам, турызмам, культурай, інфармацыйнай падтрымкай, пазнаёміцца з умовамі бязвізавага рэжыму, прапановамі тураператараў, магчымасцямі “Карты госця”, выбраць фан-зону ці замовіць квіткі на розныя мерапрыемствы.
Наведайце старонку “Гасцям і ўдзельнікам II Еўрапейскіх гульняў” вэб-навігатара “Беларусь у інфармацыйнай прасторы” – і вы атрымаеце дакладную інфармацыю пра гэту падзею, а падчас гульняў трапіце ў святочную атмасферу галоўнага спартыўнага мерапрыемства года, якое пройдзе ў Мінску з 21 па 30 чэрвеня 2019 г.
Матэрыял прадастаўлены аддзелам карпаратыўнага ўзаемадзеяння.
Чытайце таксама:
