16 лютага ў бібліятэцы адбудзецца практыка-арыентаваны семінар “Кантэнт і пошукавыя магчымасці баз даных EBSCO ў інфармацыйным забеспячэнні навуковага і адукацыйнага супольніцтва”.
Арганізатары семінара – Нацыянальная бібліятэка Беларусі і кампанія EBSCO Information Services.
Кампанія EBSCO Information Services – адзін з вядучых сусветных пастаўшчыкоў навуковых электронных рэсурсаў (электронных кніг, часопісаў, патэнтаў і пошукавых сэрвісаў) па прыродазнаўчых, дакладных, гуманітарных навуках і медыцыне.
Падчас семінара адбудзецца выступленне дырэктара па рэгіянальным развіцці ў Расіі, Беларусі і Малдове Андрэя Сакалова, які прадставіць удзельнікам агляд зместу пакета баз даных EBSCO Premier, даступнага ў віртуальнай чытальнай зале Нацыянальнай бібліятэкі Беларусі, пазнаёміць з функцыянальнымі магчымасцямі платформы EBSCOhost, алгарытмамі інфармацыйнага пошуку ў базах даных і асаблівасцямі выкарыстання пошукавай платформы EBSCO Discovery Service.
Будуць падрабязна прадстаўлены магчымасці работы адміністрацыйнага модуля EBSCOhost, што дазволіць супрацоўнікам бібліятэк найбольш эфектыўна выкарыстоўваць кантэнт электронных рэсурсаў у інфармацыйным абслугоўванні карыстальнікаў.
Да ўдзелу запрашаецца шырокі круг карыстальнікаў баз даных EBSCO і іншых электронных інфармацыйных рэсурсаў, партнёры Нацыянальнай бібліятэкі Беларусі па віртуальнай чытальнай зале, а таксама спецыялісты іншых бібліятэк і інфармацыйных цэнтраў Беларусі, адміністратары платформы EBSCOhost.
Месца правядзення – міжнародны прэс-цэнтр (3-ці паверх, пам. 308).
Рэгістрацыя ўдзельнікаў: 13.30–14.00.
Работа семінара: 14.00–16.30.
Для ўдзелу ў семінары неабходна прайсці анлайн-рэгістрацыю.
Каардынатары:
Рудакоўская Марына Віктараўна, загадчык аддзела карпаратыўнага ўзаемадзеяння Нацыянальнай бібліятэкі Беларусі
тэл.: +375 17 293 28 90
e-mail: rudakovskaya@nlb.by
Дамоўская Марыя Васільеўна, загадчык сектара аддзела карпаратыўнага ўзаемадзеяння Нацыянальнай бібліятэкі Беларусі
тэл.: +375 17 293 29 26
e-mail: virtual@nlb.by
