ГалоўнаяНавіныНавіны Нацыянальнай бібліятэкі Беларусі
Тэставы доступ да сістэмы “Антыплагіят”
LIBCOM-2015

Служыць Радзіме

Служыць Радзіме
Іншыя Навіны

15 снежня ў бібліятэцы адбылася прэзентацыя кнігі Л.М. Несцерчука і мультымедыйнага рэсурсу бібліятэкі, прысвечаных 250-годдзю з дня нараджэння Міхала Клеафаса Агінскага.


Юбілей кампазітара, дыпламата, мецэната, палітыка, мемуарыста, аўтара сусветна вядомага паланэза “Развітанне з Радзімай” па ініцыятыве Беларусі, Літвы і Польшчы быў уключаны ў каляндар памятных дат ЮНЕСКА на 2015 год. На працягу года толькі ў Беларусі адбылося звыш ста рознага кшталту юбілейных мерапрыемстваў: канцэртаў, выставак, пленэраў, навуковых канферэнцый.

Стварыўшы электронны рэсурс "Служыць Радзіме…", Нацыянальная бібліятэка Беларусі ўнесла свой уклад у святкаванне юбілею і папулярызацыю асобы і творчай спадчыны М.К. Агінскага. Рэсурс змяшчае вялікі аб’ём бібліяграфічнай і фактаграфічнай інфармацыі, гуказапісы твораў кампазітара, алічбаваныя копіі прыжыццёвых нотных выданняў, парыжскага выдання яго мемуараў на французскай, а таксама ў перакладзе на польскую мову з фондаў Нацыянальнай бібліятэкі, некаторых архіўных дакументаў, прадастаўленых Дзяржаўным музеем гісторыі тэатральнай і музычнай культуры.

Навукова-папулярнае выданне Л.М. Несцерчука “Міхал Клеафас Агінскі: Ліцвін, Патрыёт, Творца” прысвечана жыццю і дзейнасці вядомага кампазітара і змагара за Бацькаўшчыну, адраджэнню, вяртанню і папулярызацыі яго матэрыяльнай і духоўнай спадчыны. Шматпланавая і плённая палітычная, культурная і мецэнацкая дзейнасць Агінскага ў 20-гадовы перыяд яго жыцця ў сваім маёнтку ў Залессі на Смаргоншчыне пакінула значны след у айчыннай гісторыі і культуры, творчая спадчына стала агульнай для Беларусі і краін-суседзяў і сведчыць аб глыбокіх еўрапейскіх каранях беларускай культуры.

У мерапрыемстве прынялі ўдзел Таццяна Кузьмініч, намеснік дырэктара Нацыянальнай бібліятэкі Беларусі; Людміла Гарбачова, загадчык інфармацыйна-аналітычнага аддзела бібліятэкі; Леанід Несцярчук, кандыдат гістарычных навук, беларускі гісторык, аўтар кнігі; Адам Мальдзіс, доктар філалагічных навук, рэцэнзент і аўтар прадмовы да кнігі; Вольга Дадзіёмава, доктар мастацтвазнаўства, прафесар, загадчык кафедры беларускай музыкі Беларускай дзяржаўнай акадэміі музыкі.

Мультымедыйны электронны рэсурс “Служыць Радзіме…” і выданне Л.М. Несцерчука адкрываюць новыя магчымасці папулярызацыі гісторыка-культурнай спадчыны Беларусі для дзелавых, грамадскіх, навуковых кругоў. Яны будуць цікавымі для выкладчыкаў гісторыі і архітэктуры, музыкі і мастацтва, студэнтаў ВНУ і навучэнцаў сярэдніх спецыяльных навучальных устаноў, мастацтвазнаўцаў, спецыялістаў па ахове гісторыка-культурнай спадчыны, айчынных і замежных турыстаў і гасцей Беларусі.

 

Навіны

У бібліятэцы абмеркавалі міжнародныя стандарты і выбарчы працэс

20 Вер 2024

19–20 верасня ў Нацыянальнай бібліятэцы Беларусі адбылася Міжнародная навукова-практычная канферэнцыя “Міжнародныя стандарты і выбарчы працэс: вопыт і перспектывы развіцця”.

Навіны Нацыянальнай бібліятэкі Беларусі

“«Песняры»: малітва галасоў і сэрцаў”: бібліятэка стварае новы віртуальны праект

20 Вер 2024

У гэтым годзе адзначаецца 55-годдзе з часу заснавання Беларускага дзяржаўнага ансамбля “Песняры” – легендарнага гурта, любімага мільёнамі слухачоў у розных краінах свету.

Навіны Нацыянальнай бібліятэкі Беларусі

“На ўсходзе сонца”: заключны фільм кінатрылогіі “Доўгія вёрсты вайны”

19 Вер 2024

18 верасня зала дакументаў па мастацтве (пам. 306) у чарговы раз стала месцам прыцягнення прыхільнікаў творчасці Васіля Быкава і экранізацый яго глыбокіх твораў.

Навіны Нацыянальнай бібліятэкі Беларусі

Кніга – лепшы падарунак

19 Вер 2024

Напярэдадні святкавання Дня бібліятэк у рамках дабрачыннай акцыі “Год якасці: фарміруем фонды разам”, якая праводзіцца з мэтай дакамплектавання фондаў бібліятэк краіны, супрацоўнікі аддзела камплектавання фондаў на працягу ўсяго святочнага тыдня наведвалі бібліятэкі Рэспублікі.

Навіны Нацыянальнай бібліятэкі Беларусі

У Сафіі адзначылі Дзень народнага адзінства

18 Вер 2024

17 верасня да Дня народнага адзінства ў Рускім Доме ў Сафіі адкрылася фотавыстава “Беларусь: прыгожыя імгненні”, падрыхтаваная Нацыянальнай бібліятэкай Беларусі сумесна з тэлеканалам “Беларусь 24”.

Навіны Нацыянальнай бібліятэкі Беларусі

Бібліятэкарам