22 лютага Нацыянальнай бібліятэкай Беларусі і Беларускай рэспубліканскай калегіяй адвакатаў у рамках сумесных мерапрыемстваў па інфармацыйна-прававой асвеце грамадзян была арганізавана і праведзена штомесячная сустрэча з адвакатам па тэме “Ведаем свае правы: завяшчанне, спадчына, дарэнне”.
З лекцыяй выступіла адвакат, член Мінскай абласной калегіі адвакатаў Дзіна Хаванская.
На сустрэчы былі падрабязна асветлены актуальныя пытанні, звязаныя з завяшчаннем і спадчыннымі правамі: як лепш перадаць маёмасць сваякам і блізкім; розніца паміж завяшчаннем і дагаворам дарэння; парадак адмены завяшчання; асаблівасці атрымання ў спадчыну па праве прадстаўлення; а таксама ці можна пазбавіць дзяцей спадчыны і як прызнаць чалавека нявартым спадчыннікам.
У рамках мерапрыемства таксама экспануецца тэматычная выстава літаратуры з фондаў Нацыянальнай бібліятэкі, прадстаўленая ў зале прававой інфармацыі (пам. 207b).
Матэрыял пададзены аддзелам абслугоўвання афіцыйнымі дакументамі.