23 лютага ў бібліятэцы адбылася канцэртна-віншавальная праграма “Тэрыторыя мужчын”, прысвечаная святкаванню Дня абаронцаў Айчыны і Узброеных сіл Рэспублікі Беларусь.
Намеснік генеральнага дырэктара Нацыянальнай бібліятэкі Беларусі Людміла Высоцкая павіншавала абаронцаў Айчыны і пажадала мужчынам мірнага неба над галавой, прафесійных дасягненняў, увасаблення самых грандыёзных ідэй і здзяйсненняў, поспехаў і дабрабыту.
Святочны настрой супрацоўнікам падарылі салістка духавога аркестра Мінскага гарадскога ўпраўлення МНС Рэспублікі Беларусь Анастасія Байцова, артысты дзіцячай музычнай школы № 13, салістка Нацыянальнага акадэмічнага народнага аркестра Рэспублікі Беларусь імя І. Жыновіча Вольга Сяржанкова, шоу “Bang-Bang”, салістка заслужанага калектыву Рэспублікі Беларусь духавога аркестра ГУУС Мінскага гарвыканкама Ганна Благава. Іх незвычайныя творчыя нумары зарадзілі энергіяй і пазітывам, і кожнае выступленне суправаджалася гучнымі апладысментамі.
Дарагія абаронцы Айчыны!
Віншуем вас з гэтым асаблівым лютаўскім днём.
Хай усе перашкоды на вашым шляху растануць, як снег вясной. Здароўя, невычэрпнай энергіі і дабрабыту!
Матэрыял пададзены аддзелам сувязей з грамадскасцю.
