15 мая ў Міжнародны дзень сям’і ў Нацыянальнай бібліятэцы Беларусі адбылася прэзентацыя кнігі казак “Дом мечты для моей мамы” да Міжнароднага дня сям’і.
У нашай краіны шмат дасягненняў, звязаных з мэтамі ў галіне ўстойлівага развіцця Арганізацыі Аб’яднаных Нацый (ААН). Мэты з’яўляюцца своеасаблівым заклікам да дзеяння, накіраваным на паляпшэнне дабрабыту нашай планеты і яе абарону. Так мяркуюць аўтары кнігі “Дом мечты для моей мамы” – супрацоўнік Міжнароднага інстытута кіравання і прадпрымальніцтва Генадзь Калёнаў і журналіст Алена Шалдаева.
Мэта выдання – паказаць падрастаючаму пакаленню неабходнасць беражлівых адносін да прыроды, яе экасістэм і захавання экалогіі на планеце. На старонках кнігі можна даведацца пра куткі нашай сталіцы, дзе мае месца рацыянальнае абыходжанне з адходамі (сартаванне смецця на другасную перапрацоўку), зялёнае будаўніцтва, безбар’ернае асяроддзе. У кнізе таксама падымаюцца пытанні выкарыстання экалагічных відаў транспарту, захавання рэсурсаў і г.д.
Мінск для аўтараў кнігі – увасабленне таго самага “дома мечты”, у якім не проста камфортна, але і прыемна жыць побач з суседзямі. У такі дом з радасцю вяртаюцца дарослыя і дзеці пасля працы і вучобы. І такіх дамоў у Беларусі становіцца ўсё больш і больш.
У гэтым годзе кніга будзе прадстаўлена ў ААН як прыклад папулярызацыі Мэт у галіне ўстойлівага развіцця сярод дзяцей.
У мерапрыемстве ўзялі ўдзел намеснік генеральнага дырэктара Нацыянальная бібліятэка Беларусі Людміла Высоцкая, прарэктар па вучэбнай рабоце Міжнароднага інстытута кіравання і прадпрымальніцтва Пэнфэй Чжан, спецыяліст Міжнароднага інстытута кіравання і прадпрымальніцтва, сааўтар кнігі Генадзь Калёнаў, журналіст, арганізатар стварэння двух беларускіх культурных таварыстваў у Латвіі, сааўтар кнігі Алена Шалдаева.
Матэрыял пададзены аддзелам сувязей з грамадскасцю.