15 мая генеральны дырэктар Нацыянальнай бібліятэкі Беларусі Вадзім Гігін узяў удзел у міжнароднай канферэнцыі бібліятэкараў СНД “Бібліятэчная Садружнасць: партнёрства і інавацыі”, якая прайшла ў рамках міждзяржаўнай праграмы “Самарканд – культурная сталіца СНД – 2024”.
З прывітаннем да ўдзельнікаў пасяджэння звярнуліся хакім Самаркандскай вобласці Эркінжон Турдзімаў, першы намеснік міністра культуры Рэспублікі Узбекістан Бахадзір Ахмедаў, дырэктар Агенцтва інфармацыі і масавых камунікацый пры Адміністрацыі Прэзідэнта Рэспублікі Узбекістана Асаджон Хаджаеў, генеральны дырэктар Расійскай дзяржаўнай бібліятэкі, прэзідэнт некамерцыйнага партнёрства “Бібліятэчная асамблея Еўразіі” Вадзім Дуда.
У канферэнцыі ўзялі ўдзел прадстаўнікі Азербайджанскай нацыянальнай бібліятэкі імя М.Ф. Ахундава, Нацыянальнай бібліятэкі Рэспублікі Казахстан, Нацыянальнай бібліятэкі Кыргызскай Рэспублікі імя А. Асмонава, Расійскай дзяржаўнай бібліятэкі, Расійскай дзяржаўнай дзіцячай бібліятэкі, Нацыянальнай бібліятэкі Узбекістана імя Алішэра Наваі і інш.
У рамках пленарнага пасяджэння Вадзім Гігін распавёў аб дзейнасці Нацыянальнай бібліятэкі Беларусі па захаванні гістарычнай памяці. Ён перадаў у фонды Нацыянальнай бібліятэкі Узбекістана імя Алішэра Наваі і інфармацыйна-бібліятэчнага цэнтра Самаркандскай вобласці імя А.С. Пушкіна выданні, прысвечаныя беларускай наступальнай аперацыі “Баграціён” і нацыянальным паркам Беларусі.
Матэрыял пададзены аддзелам сувязей з грамадскасцю.
