27 лютага адбылася справаздачна-выбарная канферэнцыя пярвічнай прафсаюзнай арганізацыі Нацыянальнай бібліятэкі Беларусі.
На ёй было праведзена галасаванне, па выніках якога выбраны новы старшыня пярвічнай прафсаюзнай арганізацыі. Ім стала Алена Сякач, галоўны бібліятэкар аддзела камплектавання фондаў Нацыянальнай бібліятэкі Беларусі.
На мерапрыемстве былі падведзены вынікі працы арганізацыі за 2022 год. У рабоце пасяджэння ўзялі ўдзел выбраны прэзідыум, актыў калектыву бібліятэкі, члены рэвізійнай камісіі, а таксама старшыня Беларускага прафсаюза работнікаў культуры, інфармацыі, спорту і турызму Таццяна Філімонава.
Калектыў Нацыянальнай бібліятэкі Беларусі жадае новаабранаму лідару пазітыўнага настрою, удачы і поспеху!
Матэрыял пададзены аддзелам сувязей з грамадскасцю.
