23 студзеня беларускі “алмаз ведаў” наведала дэлегацыя Манголіі на чале з намеснікам міністра адукацыі і навук Манголіі Г. Ганбаярам.
Для ганаровых гасцей правялі экскурсію па бібліятэцы, падчас якой госці азнаёміліся з гісторыяй, архітэктурай, з працай чытальных залаў і палюбаваліся прыгажосцю зімовага горада на агляднай пляцоўцы бібліятэкі.
У музеі кнігі члены дэлегацыі зацікавіліся шматтомным факсімільным выданнем “Кніжная спадчына Францыска Скарыны”, мастацкім афармленнем кніг у раздзеле музейнай экспазіцыі “Кніжныя пераплёты”.
Наведванне выставачных галерэй, чытальных залаў, музея кнігі і агляднай пляцоўкі наглядна дазволіла паказаць гасцям той патэнцыял, якім валодае бібліятэка як найбуйнейшы інфармацыйны і сацыякультурны цэнтр краіны.
Па выніках экскурсіі ўдзельнікі дэлегацыі выказалі падзяку за цікавую і пазнавальную праграму.
Матэрыял пададзены аддзелам сувязей з грамадскасцю.
