Нацыянальная бібліятэка Беларусі стала першым і адзіным месцам працы В.А. Сабалеўскай, якому яна прысвяціла больш за 50 гадоў свайго жыцця.
Важкасць ўкладу Вольгі Анатольеўны ў развіццё бібліятэчнай галіны краіны складана пераацаніць. Яе дзейнасць уяўляе прыклад майстэрства і поўнай самааддачы, а ўзровень прафесіяналізму служыць флагманам сучаснаму пакаленню спецыялістаў.
Вольга Анатольеўна – аўтар звыш 130 публікацый, прысвечаных пытанням гісторыі, тэорыі і практыкі бібліятэчнай справы, складальнік звыш 50 метадычных матэрыялаў, пераважная большасць якіх распрацавана ў дапамогу бібліятэчнаму абслугоўванню дзіцячага чытача. Пад яе чулым кіраўніцтвам быў праведзены цэлы шэраг навуковых даследаванняў, вынікі якіх мелі шырокае практычнае прымяненне ў бібліятэках краіны.
Мэтанакіраваны, скрупулёзны і граматны спецыяліст, адказны і справядлівы кіраўнік, добры, тактоўны і чулы чалавек, В.А. Сабалеўская набыла павагу і прызнанне не толькі ў беларускіх, але і замежных калег, карыстаецца сярод іх заслужаным аўтарытэтам.
Калектыў Нацыянальнай бібліятэкі Беларусі сардэчна віншуе Вольгу Анатольеўну з юбілейным днём нараджэння і зычыць даўгалецця, моцнага здароўя, дабрабыту і жаночага шчасця. Няхай любімая справа па-ранейшаму прыносіць задавальненне і радасць, натхняючы на новыя здзяйсненні!
Матэрыял падрыхтаваны навукова-даследчым аддзелам бібліятэказнаўства.