21 студзеня 2011 года Нацыянальную бібліятэку Беларусі наведаў старшыня Камуністычнай партыі Расійскай Федэрацыі Генадзь Зюганаў.
У Нацыянальнай бібліятэцы Беларусі спадара Зюганава сустракаў дырэктар бібліятэкі Раман Матульскі. Для высокага госця была арганізавана аглядная экскурсія, падчас якой ён азнаёміўся з работай бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў. Экскурсія падоўжылася на закрытай агляднай пляцоўцы бібліятэкі, адкуль разгортваецца маляўнічы від на сталіцу і наваколле.
У музеі кнігі ўвазе Генадзя Андрэевіча была прадстаўлена калекцыя рарытэтных выданняў з фондаў Нацыянальнай бібліятэкі Беларусі. Спадар Зюганаў пакінуў памятны запіс у Кнізе ганаровых гасцей.
 |
 |
 |
 |
 |
 |
