ГалоўнаяНавіныНавіны Нацыянальнай бібліятэкі Беларусі
Калядная зорка
Ад дамавічкоў да яго вялікасці Паэта

Як школьнікам правесці час у Нацыянальнай бібліятэцы Беларусі весела і карысна?

Як школьнікам правесці час у Нацыянальнай бібліятэцы Беларусі весела і карысна?
Іншыя навіны

Адзін з варыянтаў – прыйсці на экскурсію!

Сярод актыўных і цікаўных школьнікаў папулярнасцю традыцыйна карыстаецца экскурсія-квест “У пошуках спадчыны Францыска Скарыны”. Падчас квеста каманда ўдзельнікаў з дапамогай карты і падказак, размешчаных у розных пунктах чытацкай зоны, разгадвае рэбусы і галаваломкі, знаёміцца з цікавымі фактамі з жыцця беларускага першадрукара і гісторыі Беларусі.

Наколькі гэта экскурсія падабаецца дзецям, мы вырашылі даведацца ў яе непасрэдных удзельнікаў – шасцікласнікаў гімназіі № 20 г. Мінска, якія наведалі наш квест. Некаторыя дзеці першы раз прыйшлі ў Нацыянальную бібліятэку Беларусі, але былі і тыя, хто ўжо паспеў пабываць на агляднай пляцоўцы, наведаў аглядную экскурсію ці нават адзначыў тут Дзень нараджэння.

Незвычайны фармат экскурсіі вельмі спадабаўся гімназістам. Камусьці – працэс пошуку чарговага задання, камусьці – арыетавацца ў вялікім будынку бібліятэкі з дапамогай карты, а камусьці – разгадваць рэбусы і шыфроўкі. Шасцікласнікі выдатна справіліся з усімі заданнямі, а ў канцы экскурсіі іх чакаў сюрпрыз – сертыфікат аб праходжанні квеста і пад’ём на аглядную пляцоўку, каб палюбавацца Мінскам з вышыні птушынага палёту.

Экскурсія-квест – гэта цудоўная магчымасць для падлеткаў стаць непасрэднымі ўдзельнікамі пошуку інфармацыі аб гісторыі і культуры нашай краіны, больш даведацца аб Нацыянальнай бібліятэцы Беларусі, праявіць сваю кемлівасць і знаходлівасць.


Калі вы, як і нашы экскурсанты з гімназіі № 20 г. Мінска, жадаеце стаць удзельнікам экскурсіі-квеста “У пошуках спадчыны Францыска Скарыны”, чакаем вас!

Заяўкі прымаюцца з 10.00 да 18.00 з аўторка да нядзелі.
Тэлефоны для запісу: (8 017) 293 29 66, 293 28 53.
Інфармацыю па іншых відах экскурсій можна атрымаць тут.

Матэрыял пададзены адзелам экскурсійна-метадычнай работы.

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111