12 ліпеня ў Музеі аўтографа цэнтральнай гарадской бібліятэкі імя А.І. Герцэна адбылося адкрыццё калектыўнай выстаўкі гомельскіх фатографаў “У кожным кадры – натхненне”.
Выстаўка прымеркавана да Дня фатографа і 875-годдзя з дня першага згадвання Гомеля ў Іпацьеўскім летапісе.
Экспазіцыя складаецца з прац удзельнікаў фотаклуба “Максімус” (Любоў Наскова, Канстанцін Антоненка, Сяргей Іваноў, Юрый Аніпаў, Яўген Лімонтаў, Яўген Сасноўскі), які вядзе сваю дзейнасць з 2016 года і аб’ядноўвае як прафесійных фатографаў, так і аматараў, людзей рознага ўзросту, чыя творчасць развіваецца ў розных жанрах фотамастацтва.
Члены фотаклуба з’яўляюцца пастаяннымі ўдзельнікамі выставак як рэспубліканскага, так і міжнароднага ўзроўню. Іх працы вядомы ў Расіі, Украіне, Польшчы, Чэхіі, Ізраілі, Італіі і іншых краінах.
Крыніца: інфармацыйны партал газеты “Гомельская праўда”