Пра беларускія газеты, заснаваныя у гады змен і будаўніцтва новай дзяржавы, цяпер кажуць як пра летапісы жыцця народа, каштоўных першакрыніцах, якія дазваляюць прачытаць гісторыю без купюр.
Што ўяўлялі сабой беларускія газеты стогадовай даўніны, пра што і пра каго пісалі, цяпер можна даведацца, не адыходзячы ад экрана камп'ютара. Вынікам рэалізацыі сумеснага праекта Нацыянальнай бібліятэкі Беларусі і Нацыянальнага архіва Рэспублікі Беларусь стала мультымедыйнае выданне “Станаўленне беларускай дзяржаўнасцi: па старонках беларускiх газет 1917–1922 гг.”, якое аб'яднала газеты таго часу. Замест тоўстых падшывак – два DVD, на якіх можна знайсці электронныя копіі каля 2 400 нумароў газет, якія выходзілі на тэрыторыі сучаснай Беларусі ці ў гарадах, якія мелі гістарычнае значэнне для краіны, – Вільні, Віцебску, Гродне, Магілёве, Мінску, Маскве, Оршы, Смаленску і інш.
Пазнаёміцца з хронікай гістарычных падзей 1917–1922 гг. і кантэнтам мультымедыйнага выдання можна ў раздзеле “Віртуальныя выстаўкі”.
Матэрыял прадастаўлены інфармацыйна-аналітычным аддзелам.
