Вынікі X Рэспубліканскага конкурсу “Бібліятэка – цэнтр духоўнай асветы і выхавання”

19 лістапада 2024 г. Распараджэннем па Беларускай праваслаўнай царкве зацверджаны вынікі X Рэспубліканскага конкурсу “Бібліятэка – цэнтр духоўнай асветы і выхавання”.

Конкурс праводзіцца штогод сярод бібліятэк рэспублікі з мэтай садзейнічання фарміраванню духоўна-маральных якасцей асобы і выхавання патрыятызму, грамадзянскасці дзяцей і моладзі на аснове культурных і дзяржаўных традыцый беларускага народа і іх гістарычным падмурку – праваслаўі.

На разгляд рэспубліканскага журы было прадстаўлена 59 работ ад бібліятэк Беларускай праваслаўнай царквы, публічных бібліятэк Міністэрства культуры Рэспублікі Беларусь і бібліятэк Міністэрства адукацыі Рэспублікі Беларусь.

Адпаведна ўмовам правядзення конкурсу матэрыялы разглядаліся ў чатырох намінацыях:

• “Духоўна-маральнае выхаванне дзяцей і моладзі”
• “Гісторыя Праваслаўя роднага краю”
• “Сям’я – спадчынніца маральных і духоўных каштоўнасцей”
• “Патрыятычнае выхаванне на праваслаўных традыцыях”

На рэспубліканскім этапе конкурсу вызначаны пераможцы ў кожнай намінацыі сярод гарадскіх і сельскіх бібліятэк. У выніку пасяджэння рэспубліканскім журы былі намінаваны і вылучаны на ўзнагароджанне і заахвочванне 50 бібліятэк, якія будуць узнагароджаны дыпломамі і каштоўнымі падарункамі.

Журы конкурсу дзякуе ўсім удзельнікам, якія прадставілі свае працы, адзначае іх неабыякавасць, адказнасць і спадзяецца, што і ў далейшым конкурс будзе спрыяць удасканаленню дзейнасці бібліятэк на ніве духоўнай асветы і духоўна-маральнага выхавання.