Дата правядзення
Час правядзення
Месца правядзення
4 мая а 17-й гадзіне ў галерэі “Ракурс” (2-гі паверх) адкрыецца выстаўка “Арт-Мінск 2018”.
Выстаўка расчыніць дзверы ў межах міжнароднага фестывалю сучаснага мастацтва “Арт-Мінск”, што сёлета ўпершыню праходзіць у Мінску і стартаваў 27 красавіка ў Палацы мастацтваў.
У галерэі “Ракурс” разгорнецца як ніколі насычаная экспазіцыя, якая прапануе ўвазе гледачоў работы вядомых майстроў Мінска і іншых гарадоў Беларусі: жывапісца Мікалая Бушчыка, майстра рэалістычнага пейзажа Уладзіміра Масленікава, майстроў нацюрморта Марыі Ісаёнак і камернага сельскага пейзажа Сямёна Дамарада. Тут жа – тонкая і стрыманая ў сваіх жывапісных імпрэсіях Ілона Касабука, яркі і эфектны Уладзімір Ганчарук, дэкаратыўная Вікторыя Ільіна і многія іншыя.
Скульптуру прадставяць імпрэсіяністычныя работы з дрэва Уладзіміра Панцялеева і Аляксея Сарокіна і тэхнічная бронза ад Паўла Лука. Традыцыі і навацыі беларускай графічнай школы прадэманструюць такія мастакі, як Юрый Хілько, Кацярына Бяляўская, Марына Жвірбля, акварэлісты Сяргей Пісарэнка і Любоў Абрамава.
Тэкстыльнымі кампазіцыямі Людмілы Дамненковай і Вікторыі Аждзер, габеленамі Галіны Крываблоцкай і Таццяны Макляцовай, а таксама работамі з металу вядомага майстра Пятра Кузьміча будзе прадстаўлена беларускае дэкаратыўна-прыкладное мастацтва.
Не абыйдзецца і без фота, якое цяпер дынамічна развіваецца. Да прагляду – фотапраекты Сяргея Кажамякіна і Вадзіма Качана.
Запрашаем завітаць у Нацыянальную бібліятэку і далучыцца да фестывалю мастацтва да 20 мая 2018 года.
Дата завяршэння работы выстаўкі можа быць зменена.
Падчас работы выстаўкі магчымы змены ў экспазіцыі.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.
Тэлефоны для даведак: (8 017) 266 37 37, 293 28 23.
Е-mail: pr@nlb.by
Чытайце таксама аб адкрыцці выстаўкі.