Дата правядзення
Час правядзення
Месца правядзення
1 лістапада ў выставачным комплексе (пам. 104) адбылася прэзентацыя календароў, перададзеных у дар Беларускім саюзам дызайнераў.
У 100-гадовы юбілей фонды Нацыянальнай бібліятэкі Беларусі папоўніліся новай калекцыяй: старшыня Беларускага саюза дызайнераў Дзмітрый Сурскі перадаў бібліятэцы больш за 100 рознафарматных календароў. Большасць з іх – айчынныя календары ХХІ ст., аўтарамі якіх з’яўляюцца беларускія дызайнеры. Частка – падарункі ад замежных калег.
На выстаўцы дэманструецца толькі частка калекцыі. У сваёй большасці гэта іміджавыя календары розных арганізацый з рэпрадукцыямі твораў сусветных і беларускіх мастакоў і графікаў (Сальвадора Далі, Гаўрыіла Вашчанкі, Канстанціна Губарава, Уладзіміра Савіча, Міколы Селешчука і інш.), фотамастакоў (Вадзіма Качана, Ігара Саўчанкі, Анатоля Клешчука і інш.).
Асаблівай увагі заслугоўваюць календары, створаныя ў межах асветніцкіх праектаў “Зберагаючы традыцыі, мы будуем будучыню” і “Памятаем пра мінулае, рухаючыся ў будучыню”, якія, акрамя прэзентацыі дзейнасці заказчыка, аб’ядноўваюць і прадстаўляюць гістарычныя і культурныя артэфакты, што захоўваюцца ў музеях і бібліятэках нашай краіны.
Выставачны праект будзе працаваць да 30 лістапада 2022 года.
Дата заканчэння працы экспазіцыі можа быць зменена.
Уваход – па чытацкім білеце або білеце сацыякультурнага цэнтра.
Час работы выстаўкі адпавядае рэжыму работы бібліятэкі.
Тэлефон для даведак: (8 017) 368 37 37.
