Рэсурсы Нацыянальнай бібліятэкі Беларусі

Дзяржаўны інфармацыйны рэсурс “Банк звестак аб гісторыка-культурнай спадчыне Рэспублікі Беларусь” уяўляе сабой сістэматызаваны збор звестак аб гісторыка-культурных каштоўнасцях узятых пад ахову дзяржавай і ўключаных у Дзяржаўны спіс гісторыка-культурных каштоўнасцей Рэспублікі Беларусь.

Рэсурс змяшчае поўную навукова-праектную дакументацыю аб аб’ектах гісторыка-культурных каштоўнасцей, інфармацыю аб выдавецкіх i іншых матэрыялах, якія адносяцца да гісторыка-культурнай спадчыны.

“Банк звестак аб гісторыка-культурнай спадчыне Рэспублікі Беларусь” знаходзіцца ў распрацоўцы і даступны толькі на беларускай мове.

Кансультанты:
Віткоўская Таццяна Уладзіміраўна
Тэлефон для даведак: (8 017) 293 26 82
E-mail: heritage.gov.by@gmail.com

У базе даных прадстаўлена бягучая (з 2007 г.) беларусазнаўчая інфармацыя пра дакументы па культуры, бібліятэчнай справе, філасофіі, псіхалогіі, рэлігіязнаўстве, гісторыі, грамадскіх навуках, мастацтве, мовазнаўстве, літаратуразнаўстве і іншых галінах ведаў. База даных уключае бібліяграфічныя запісы на зборнікі, аўтарэфераты дысертацый, дысертацыі, рукапісы, выяўленчыя матэрыялы, нотныя, картаграфічныя выданні, аўдыя-, відэадакументы на беларускай, рускай і замежных мовах, а таксама звесткі пра артыкулы з перыядычных выданняў, выданняў з працягам і зборнікаў на беларускай і рускай мовах.
У склад базы даных таксама ўключаны рэтраспектыўныя паўнатэкставыя калекцыі беларусазнаўчых дакументаў: “Крыніцы па гісторыі Беларусі канца XVIII – пачатку XX стагоддзя”, “Нацыянальная бібліятэка Беларусі ў друку”, “Белавежская пушча”, доступ да якіх ажыццяўляецца ў лакальным рэжыме (у будынку Нацыянальнай бібліятэкі Беларусі).
Папаўненне базы ажыццяўляецца штодзённа.

Кансультанты:
Струц Наталля Васільеўна
Бандарэнка Алена Кандрацьеўна
Тэлефоны для даведак:
(8 017) 293 28 09
(8 017) 293 29 69
E-mail:
malinovskaya@nlb.by
oniki@nlb.by

Анлайн-энцыклапедыя “Беларусь у асобах і падзеях” змяшчае інфармацыю пра:

• найбольш важныя падзеі ў эканамічнай, грамадска-палітычнай, культурнай і іншых сферах жыцця краіны;
• вядомых людзей, якія ўнеслі значны ўклад у навуковую, культурную і духоўную спадчыну Беларусі;
• мемарыяльныя комплексы, помнікі гісторыі, культуры, прыроды;
• установы, арганізацыі, прадпрыемствы, прафесійныя творчыя калектывы;
• віды спорту, якія атрымалі развіццё ў краіне;
• беларускія перыядычныя выданні;
• аб’екты, якія з’яўляюцца першымі або ўнікальнымі (першы буквар, першая школа, першая нацыянальная опера, першая выява горада на карце і інш.).

Фактаграфічныя запісы дапаўняюцца біяграфічнымі і гістарычнымі даведкамі, выявамі, бібліяграфічнымі звесткамі пра друкаваныя публікацыі, гіперспасылкамі на інтэрнэт-крыніцы.

Рэсурс дазваляе аператыўна атрымліваць дакладныя звесткі аб Беларусі, не звяртаючыся да шматлікіх даведачных і энцыклапедычных выданняў.

Кансультанты:
Маліноўская Алена Мікалаеўна
Барсукова Наталля Іванаўна
Тэлефоны для даведак:
(8 017) 293 28 26
(8 017) 293 28 27
E-mail: 
malinovskaya@nlb.by

База даных уключае дзве калекцыі.

Калекцыя “Бібліятэчная справа Беларусі ў дакументах і матэрыялах” змяшчае лічбавыя копіі поўных тэкстаў архіўных дакументаў па гісторыі бібліятэчнай справы: заканадаўчыя акты, пратаколы і стэнаграмы пасяджэнняў з’ездаў, матэрыялы канферэнцый, уліковую і тэхналагічную дакументацыю, планы і справаздачы, бібліятэчную перапіску, даклады.

У калекцыі “Бібліятэчная справа Беларусі ў асобах” прадстаўлена біяграфічная, фактаграфічная і бібліяграфічная інфармацыя пра бібліятэкараў, вучоных, культурных і грамадскіх дзеячаў, чый жыццёвы і прафесійны шлях звязаны з развіццём бібліятэк і бібліятэчнай справы Беларусі. Дзякуючы ім адкрываліся бібліятэкі, кніжныя зборы і фонды набывалі сваё гістарычнае значэнне, развівалася бібліятэчная навука, фарміраваліся агульнанацыянальныя бібліятэчныя тэндэнцыі.

Кансультант:
Кукета Ірына Міхайлаўна
Тэлефон для даведак:
(8 017) 368 97 71
E-mail:
bibved@nlb.by

"Культура і мастацтва: электронныя калекцыі Нацыянальнай бібліятэкі Беларусі"

У рэсурсе прадстаўлены ўнікальныя творы беларускіх дзеячаў культуры і мастацтва, лічбавыя копіі беларускіх літаратурных часопісаў пачатку ХХ стагоддзя, матэрыялы пра моду і іншыя дакументы, што адлюстроўваюць культурную спадчыну Беларусі.

У склад рэсурсу ўваходзяць наступныя калекцыі:

• “Беларуская літаратурная спадчына. Часопісы 1919–1939 гг.” («Белорусское литературное наследие. Журналы 1919–1939 гг.»)
  Калекцыю склалі лічбавыя копіі беларускіх літаратурных і мастацкіх часопісаў, якія выдаваліся ў БССР, Заходняй Беларусі і ў замежжы.
• “Майстры беларускай культуры. Яўген Глебаў” («Мастера белорусской культуры. Евгений Глебов»)
  Калекцыя ўяўляе сабой збор лічбавых копій рукапісаў кампазітара Яўгена Аляксандравіча Глебава. У калекцыі сабрана болей за 160 алічбаваных нотных рукапісных тэкстаў, напісаных кампазітарам у перыяд з 1954 па 1995 г. і падораных Нацыянальнай бібліятэцы Беларусі. 
• “Мода і час” («Мода и время»)
  Калекцыя складаецца з электронных копій айчынных і замежных дакументаў з фондаў Нацыянальнай бібліятэкі Беларусі: кнігі, часопісы, выяўленчыя выданні, артыкулы і ілюстрацыі, дзе апісаны модныя фасоны жаночага, мужчынскага і дзіцячага адзення. Храналагічны ахоп – з XVI па XX стагоддзе

Інфармацыя для саіскальнікаў вучоных ступеняў

Работа па напаўненні электроннага архіва вядзецца з лістапада 2006 года. У ім прадстаўлены электронныя копіі перыядычных выданняў, якія выходзяць у свет у Рэспубліцы Беларусь: газеты, часопісы, паведамленні інфармацыйных агенцтваў.

База даных змяшчае электронныя версіі вядучых агульнарэспубліканскіх, цэнтральных грамадска-палітычных і галіновых газет, а таксама некаторыя мясцовыя і раённыя газеты.

Аснову раздзела "Часопісы" складаюць перыядычныя навуковыя выданні, уключаныя ў Пералік Вышэйшай атэстацыйнай камісіі Рэспублікі Беларусь.

Па стане на пачатак 2015 года карыстальнікі бібліятэкі маюць доступ да 411 назваў беларускіх перыядычных выданняў і прадуктаў інфармацыйных агенцтваў (85 газет, 314 часопісаў, 12 прадуктаў інфармагенцтваў).

Доступ да электронных дакументаў ажыццяўляецца праз лакальную сетку для зарэгістраваных карыстальнікаў Нацыянальнай бібліятэкі Беларусі.

Электронны архіў абнаўляецца штодзённа па меры атрымання электронных копій перыядычных выданняў ад выдавецкіх арганізацый. Пастаянна вядзецца работа па пашырэнні рэпертуару перыядычных выданняў.

Кансультант:
Лук’янава Вольга Сяргееўна
Тэлефон для даведак:
(8 017) 293 25 86 (унутр. 75 86).
E-mail:
press@nlb.by

Кансультант:
Зелянеўская Наталля Пятроўна
Тэлефон для даведак:
(8 017) 293 26 71
E-mail:
zelenevskaya@nlb.by