ГалоўнаяНавіныБібліятэка анлайн
Дыстанцыя і маска – чытву не перашкода
Буктрэйлеры: Алесь Адамовіч “Хатынская аповесць”

Нацыянальная дакументная спадчына – гэта назаўсёды!

Нацыянальная дакументная спадчына – гэта назаўсёды!
Іншыя навіны

На сённяшні дзень, калі Нацыянальную бібліятэку Беларусі пакуль можна наведаць толькі віртуальна, яшчэ раз нагадваем пра такі значны блок даступнай у анлайн-рэжыме інфармацыі, як зводны электронны інфармацыйны рэсурс (ЭІР) “Нацыянальная бібліяграфія Беларусі”.

Нацыянальную бібліяграфію вобразна называюць “сведчаннем гістарычнай памяці нацыі”. Дзякуючы ёй можна даведацца, якія беларускія нацыянальныя дакументы былі створаны ў розныя перыяды існавання нашай Айчыны. Звесткі пра гэтыя дакументы важна адшукаць, сабраць з максімальнай паўнатой і зрабіць даступнымі для ўсіх зацікаўленых. Менавіта такая мэта ставіцца пры фарміраванні ЭІР нацыянальнай бібліяграфіі.

EIR-1.jpg

У рэсурсе прадстаўлена інфармацыя пра кнігі, часопісы, газеты, дысертацыі, аўтарэфераты дысертацый, картаграфічныя, нотныя, выяўленчыя выданні і іншыя віды дакументаў:

  • якія былі створаны на тэрыторыі Беларусі ў розныя гістарычныя перыяды (ад старажытнасці да сучаснасці);
  • на беларускай мове (у любой графіцы) незалежна ад месца выдання;
  • беларускіх аўтараў;
  • пра Беларусь.

У ЭІР адлюстроўваюцца не толькі звесткі пра тыя дакументы, што знаходзяцца ў айчынных кнігасховішчах, але і пра беларускія выданні мінулых стагоддзяў і дзесяцігоддзяў, якія ў сённяшні час адсутнічаюць на тэрыторыі нашай краіны.

Рэсурс нацыянальнай бібліяграфіі можа быць цікавым для ўсіх, каму па роду прафесійнай, навукова-даследчыцкай, адукацыйнай, пазнавальнай дзейнасці патрэбна інфармацыя, звязаная з нашай беларускай дакументнай спадчынай.

Жадаем паспяховай работы з рэсурсам!

Матэрыял прадастаўлены навукова-даследчым аддзелам бібліяграфіі.

Навіны

Да 100-годдзя з дня нараджэння беларускага пісьменніка Аляксея Карпюка створаны інфармацыйны рэсурс пра яго жыццё і творчасць

4 Чэр 2020

“Электронны музей А.М. Карпюка” – такі новы праект Цэнтралізаванай бібліятэчнай сістэмы г. Гродна папаўніў калекцыю віртуальных музеяў, прысвечаных людзям, якія праславілі гэты край.

Бібліятэка анлайн

Вебінар па інфармацыйным напаўненні сайтаў РЗЭК

2 Чэр 2020

2 чэрвеня на віртуальнай пляцоўцы Нацыянальнай бібліятэкі адбыўся навучальны вебінар "Размяшчэнне навін і аб'яў у Рэгіянальным зводным электронным каталогу бібліятэк Беларусі", прысвечаны інфармацыйнаму напаўненню кантэнту рэгіянальных зводных каталогаў бібліятэк Беларусі.

Бібліятэка анлайн

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

Да 90-годдзя з дня нараджэння ветэрана Нацыянальнай бібліятэкі Беларусі В.Н. Дышыневіч

31 Май 2020

Валянціна Нікіфараўна Дышыневіч нарадзілася 31 мая 1930 г. у Омску ў сям'і служачага. Скончыўшы 3 класы пачатковай школы, 10-гадовая Валянціна з бацькамі пераехала ў Гродна па месцы працы бацькі (ён быў лекарам).

Партрэты: гісторыя бібліятэкі ў асобах

111 гадоў Віцебскай вучонай архіўнай камісіі

31 Май 2020

31 мая 1909 г. адбылося адкрыццё і першае пасяджэнне Віцебскай вучонай архіўнай камісіі (ВВАК). Яна стала навуковым, культурным, адукацыйным цэнтрам, вакол якога групавалася мясцовая інтэлігенцыя.

Па старонках беларускага календара

111