ГалоўнаяНавіныБлог прафесійнага чытача
Сучасная бібліятэчная справа: тэорыя і практыка

Блог прафесійнага чытача: пра рубрыку

Блог прафесійнага чытача: пра рубрыку
Іншыя навіны

Аўтар: Маргарыта Латышкевіч

Па адукацыі я – філолаг. З грэчаскай мовы – “той, хто любіць слова”. І я сапраўды люблю слова: і гучанне яго ў мове, і адчуванне (як прысмак) на вуснах. І энергію ў звонкіх рыфмах, і пругкія хвалі прозы.

Найболей люблю, калі слова набывае рэчыўнасць. Застывае на паперы кучаравымі рукапіснымі росчыркамі, рассыпаецца друкаванымі літаркамі.

А квінтэсенцыя рэчыўнасці слоўнай – кнігі.
Таму я люблю кнігі.

І таму хачу пра кнігі расказваць. Бо філолагі, з відавочных прычын (праца ёсць праца), чытачы прафесіянальныя. Чытаць яны мусяць шмат і паступова, volens nolens, вучацца (калі гэта добрыя філолагі) чытанне – любіць.

Не любячы ўвогуле – нельга. Ні чытаць, ні гаварыць, ні жыць. Бо чалавек толькі тады чалавек, калі любіць. Сям’ю сваю, сваю справу, сваю Радзіму.

Таму тут мне хацелася б дзяліцца драбочкамі сваёй любові да кніг і аўтараў – і дзяліцца меркаваннем. Расказваць пра цікавосткі кніжнага свету – і расказваць пра людзей, якія гэты свет ствараюць: пісьменнікаў і чытачоў.

Бо адны без другіх не існуюць.
Бо і кніжны свет без тых і другіх існаваць не можа.

Чакайце абнаўленні блога прафесійнага чытача: водгукі на творы сучаснай і класічнай беларускай літаратуры, тэматычныя чытацкія падборкі ды іншыя матэрыялы.

 Чытайма разам!

Матэрыял падрыхтаваны аддзелам суправаджэння інтэрнэт-партала.

Навіны

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

Да 90-годдзя з дня нараджэння ветэрана Нацыянальнай бібліятэкі Беларусі В.Н. Дышыневіч

31 Май 2020

Валянціна Нікіфараўна Дышыневіч нарадзілася 31 мая 1930 г. у Омску ў сям'і служачага. Скончыўшы 3 класы пачатковай школы, 10-гадовая Валянціна з бацькамі пераехала ў Гродна па месцы працы бацькі (ён быў лекарам).

Партрэты: гісторыя бібліятэкі ў асобах

111 гадоў Віцебскай вучонай архіўнай камісіі

31 Май 2020

31 мая 1909 г. адбылося адкрыццё і першае пасяджэнне Віцебскай вучонай архіўнай камісіі (ВВАК). Яна стала навуковым, культурным, адукацыйным цэнтрам, вакол якога групавалася мясцовая інтэлігенцыя.

Па старонках беларускага календара

Жыццёвая арыфметыка:  апавяданне “Урок арыфметыкі” Вячаслава Адамчыка

1 Чэр 2020

Вячаслаў Адамчык у сваім поўным светлай настальгіі апавяданні расказвае гісторыю першай падлеткавай улюблёнасці – тым больш пранізлівую, што адбываецца ўсё ў “апошні год вайны”. Гэта апавяданне-ўспамін, сумнае і радаснае адначасна, як любы драбок памяці пра незваротнае і няспраўджанае.

Блог прафесійнага чытача

111