26 лютага на факультэце сацыякультурных камунікацый Беларускага дзяржаўнага ўніверсітэта пры кафедры тэорыі і практыкі перакладу ў рамках рэспубліканскага праекта “На хвалі часу, у плыні жыцця” адбылася лекцыя “Ад «Маладняка» да «Маладосці»”.
Лекцыя для студэнтаў 3 курса была сумесна падрыхтавана галоўным рэдактарам часопіса “Маладосць” Святланай Воцінавай і галоўным бібліёграфам інфармацыйна-аналітычнага аддзела Нацыянальнай бібліятэкі Беларусі Таццянай Лаўрык.
Святлана Воцінава распавяла пра сувязь часопіса “Маладосць” з Усебеларускім літаратурным аб’яднаннем “Маладняк”, пра пачаткі сумеснага праекта “На хвалі часу, у плыні жыцця” і ўдзел у ім часопіса.
Таццяна Лаўрык прэзентавала віртуальны праект Нацыянальнай бібліятэкі Беларусі “На хвалі часу, у плыні жыцця” і яго раздзелы, прымеркаваныя да 110-годдзя паэта Валерыя Маракова (1909–1937), 120-годдзя пісьменніка, крытыка Адама Бабарэкі (1899–1938), 115-годдзя паэта, перакладчыка Уладзіміра Хадыкі (1905–1940). Лектар засяродзіла ўвагу на супольнай дзейнасці партнёраў і далучэнні новых удзельнікаў да рэспубліканскага праекта, формах яго папулярызацыі, а таксама на пошуках іншых шляхоў рэалізацыі праектнай дзейнасці. Такі накірунак у прэзентацыі быў абумоўлены спецыялізацыяй мэтавай аўдыторыі.
Праца над віртуальным праектам, прысвечаным 100-годдзю ўтварэння Усебеларускага літаратурнага аб’яднання паэтаў і пісьменнікаў “Маладняк” (1933–1928), рэалізуецца Нацыянальнай бібліятэкай Беларусі пры ўдзеле партнёраў: Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса “Маладосць”.
Матэрыял прадастаўлены інфармацыйна-аналітычным аддзелам.
