З 2 верасня па 30 кастрычніка ў зале перыядычных выданняў (пам. 106) праходзіць тэматычная выстаўка "Беларусь: энергазберажэнне ўчора, сёння, заўтра".
Праблема энергазберажэння ў апошнія гады набыла асаблівую актуальнасць. Ва ўсім свеце прыкладаюцца велізарныя намаганні па ўкараненні інавацыйных рашэнняў і тэхналогій, якія дазваляюць скараціць спажыванне электраэнергіі. Для Рэспублікі Беларусь, якая не валодае значнымі запасамі паліўна-энергетычных рэсурсаў, пытанні энергазберажэння заўсёды былі прыярытэтнымі, а ў святле значнага павышэння сусветных цэн на прыродны газ і нафту – сталі асабліва вострыя.
Неэфектыўнае і нерацыянальнае выкарыстанне энергетычных рэсурсаў негатыўна адбіваецца не толькі на эканамічным развіцці, але і на экалагічным становішчы. Таму сёння асноўнай задачай з'яўляецца сістэматызаваны перавод эканомікі на энергазберагальны шлях развіцця. Рэалізацыя гэтай задачы немагчыма без шырокага ўкаранення энергазберагальнага абсталявання, тэхналогій і матэрыялаў, без інфармацыйнага забеспячэння працэсу энергазберажэння.
Палітыка энергазберажэння ў Рэспубліцы Беларусь сёння рэалізуецца ў самых розных сферах дзейнасці: будаўніцтве, сельскай і лясной гаспадарцы, харчовай прамысловасці, электраэнергетыцы, у сістэме цеплазабеспячэння і інш. Пра тое, якім чынам вядзецца работа, раскажуць публікацыі з часопісаў "Энергоэффективность", "Энергетика и ТЭК", "Стандартизация", "Белорусское сельское хозяйство", "Наука и инновации", "Экономика Беларуси" і інш.
Усяго на выстаўцы прадстаўлена каля 40 перыядычных выданняў.
Кантактны тэлефон: (8 017) 293 25 87.
