ГалоўнаяНавіныКніжныя выстаўкі
VII Гарадзенскія чытанні
Бібліятэчнае велападарожжа па Прыбалтыцы, альбо Cycling for libraries 2012

Дэмакратыя: вытокі і сучаснасць

Дэмакратыя: вытокі і сучаснасць
Іншыя Навіны

З 11 па 30 верасня ў зале дакументаў міжнародных арганізацый (2-гі паверх, пам. 207g) ладзіцца кніжная выстаўка “Дэмакратыя: вытокі і сучаснасць”, прысвечаная Міжнароднаму дню дэмакратыі.


Гэты Дзень быў абвешчаны Генеральнай Асамблеяй ААН 8 лістапада 2007 года (рэзалюцыя № A/RES/62/7) і штогод адзначаецца 15 верасня. Дата прымеркавана да 20-й гадавіны першай міжнароднай канферэнцыі новых і адноўленых дэмакратый, якая адзначалася ў 2008 годзе.

Слова “дэмакратыя” паходзіць ад двух старажытнагрэцкіх слоў, якія абазначаюць “народ” і “ўлада”, і традыцыйна перакладаецца як “улада народа”. Пад гэтым тэрмінам маецца на ўвазе палітычны рэжым, у аснове якога ляжыць метад калектыўнага прыняцця рашэнняў з роўным уздзеяннем удзельнікаў на вынік працэсу або на яго істотныя стадыі. Дэмакратыя заснавана на свабодным волевыяўленні народа і цесна звязана з забеспячэннем правапарадку і ажыццяўленнем праў і асноўных свабод чалавека. Яна адносіцца да ўніверсальных і непадзельных асноўных агульначалавечых каштоўнасцей і прынцыпаў і важная не толькі сама па сабе – гэта яшчэ і магутны фактар, які стымулюе сацыяльна-эканамічны прагрэс і падтрыманне міжнароднага міру і бяспекі.

У прынятай рэзалюцыі адзначаецца, што ўсе сусветныя дэмакратыі маюць агульныя рысы, аднак адзінай мадэлі дэмакратыі, якая зададзена якой-небудзь дзяржавай, не існуе і быць не можа.

Міжнародны дзень дэмакратыі з’яўляецца добрай падставай звярнуць увагу на стан дэмакратыі ў свеце. Дэмакратыя – гэта не толькі мэта, але і працэс, і толькі пры поўным удзеле і падтрымцы міжнароднай супольнасці, дзяржаўных органаў улады, грамадства і асобных грамадзян ідэалы дэмакратыі можна ажыццявіць для кожнага чалавека ў кожным кутку свету.

Дзейнасць Арганізацыі Аб’яднаных Нацый у падтрымку намаганняў урадаў па падтрымцы і ўмацаванні дэмакратыі ажыццяўляецца ў адпаведнасці са Статутам ААН і толькі па пэўнай просьбе адпаведных дзяржаў-членаў.

ААН падтрымлівае свабодныя і справядлівыя выбары, стымулюе ўдзел грамадзянскага супольніцтва ў жыцці краін і спрыяе ўстанаўленню дыялогу ў тых выпадках, калі бакі заходзяць у тупік у выніку спрэчнага галасавання. Арганізацыя Аб’яднаных Нацый выступае ў ролі пасрэдніка ў складаных палітычных сітуацыях з мэтай папярэдзіць канфлікты і спрыяе стварэнню падсправаздачных механізмаў забеспячэння бяспекі ў постканфліктныя перыяды. Яна накіроўвае экспертаў для садзейнічання ўмацаванню вяршэнства закона, стварэння шматпартыйных структур і фарміравання эфектыўнай і падсправаздачнай дзяржаўнай адміністрацыі.

Ва ўсіх гэтых намаганнях Арганізацыя Аб’яднаных Нацый не імкнецца экспартаваць або падтрымліваць якую-небудзь пэўную нацыянальную або рэгіянальную мадэль дэмакратыі. Яна зыходзіць з таго разумення, што дэмакратычныя ідэалы вынікаюць з філасофій і традыцый усіх раёнаў свету, што эфектыўнае дэмакратычнае кіраванне спрыяе павышэнню якасці жыцця людзей ва ўсім свеце і што дэмакратыя з’яўляецца асновай трывалага міру, бяспекі і развіцці.

Прапанаваная чытачам экспазіцыя налічвае каля 70 дакументаў, вялікую частку якіх складаюць дакументы міжнародных арганізацый (ААН, Еўрапейскага саюза, Савета Еўропы і інш.) на рускай, англійскай і нямецкай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.

Выстаўка ўключае наступныя тэматычныя раздзелы:

  • Сучасная дэмакратыя: асноўныя прынцыпы і механізмы.
  • Развіццё дэмакратыі ў розных краінах свету.
  • Нацыянальная дзяржава і дэмакратычная сістэма.
  • Дэмакратыя і правы чалавека.

Выстаўка прызначана для палітолагаў, работнікаў дзяржаўнай улады і мясцовага самакіравання, членаў выбарчых камісій, прадстаўнікоў праваахоўных органаў, а таксама для суддзяў, адвакатаў, выкладчыкаў і студэнтаў вышэйшых навучальных устаноў.

Карысныя спасылкі

Дакументы

Навіны

Зала дакументаў па мастацтве прапануе: рубрыка “Паштоўкі і плакаты з фондаў Нацыянальнай бібліятэкі Беларусі”

22 Вер 2024

Кожны дзень, праходзячы па калідорах бібліятэкі, мы і нашы чытачы любуемся творамі беларускіх жывапісцаў, скульптараў, майстроў дэкаратыўна-прыкладнога мастацтва.

Зала дакументаў па мастацтве прапануе...

У бібліятэцы абмеркавалі міжнародныя стандарты і выбарчы працэс

20 Вер 2024

19–20 верасня ў Нацыянальнай бібліятэцы Беларусі адбылася Міжнародная навукова-практычная канферэнцыя “Міжнародныя стандарты і выбарчы працэс: вопыт і перспектывы развіцця”.

Навіны Нацыянальнай бібліятэкі Беларусі

“«Песняры»: малітва галасоў і сэрцаў”: бібліятэка стварае новы віртуальны праект

20 Вер 2024

У гэтым годзе адзначаецца 55-годдзе з часу заснавання Беларускага дзяржаўнага ансамбля “Песняры” – легендарнага гурта, любімага мільёнамі слухачоў у розных краінах свету.

Навіны Нацыянальнай бібліятэкі Беларусі

“На ўсходзе сонца”: заключны фільм кінатрылогіі “Доўгія вёрсты вайны”

19 Вер 2024

18 верасня зала дакументаў па мастацтве (пам. 306) у чарговы раз стала месцам прыцягнення прыхільнікаў творчасці Васіля Быкава і экранізацый яго глыбокіх твораў.

Навіны Нацыянальнай бібліятэкі Беларусі

Кніга – лепшы падарунак

19 Вер 2024

Напярэдадні святкавання Дня бібліятэк у рамках дабрачыннай акцыі “Год якасці: фарміруем фонды разам”, якая праводзіцца з мэтай дакамплектавання фондаў бібліятэк краіны, супрацоўнікі аддзела камплектавання фондаў на працягу ўсяго святочнага тыдня наведвалі бібліятэкі Рэспублікі.

Навіны Нацыянальнай бібліятэкі Беларусі

Бібліятэкарам