З 1 верасня па 31 кастрычніка ў зале перыядычных выданняў (пам. 106) ладзіцца тэматычная выстаўка “Культурнае жыццё краіны: фестывалі, конкурсы, выстаўкі”.
Экспазіцыю склалі публікацыі з перыядычных выданняў, што асвятлялі найважнейшыя падзеі, якія прайшлі або будуць праходзіць у рэспубліцы.
Сучаснае культурнае жыццё Беларусі дынамічнае і разнастайнае. Штодня ў краіне ладзіцца якое-небудзь мерапрыемства. Дзякуючы падборцы матэрыялаў з часопісаў і газет “Мастацтва”, “Культура”, “Літаратура і мастацтва”, “Беларусь”, “Беларуская думка”, “На экранах Беларусі” і іншых, наведвальнікі выстаўкі змогуць даведацца шмат цікавага пра форумы, фестывалі, конкурсы. Не засталіся без увагі мастацкія выстаўкі, тэатральныя і кінематаграфічныя прэм’еры, а таксама сустрэчы з вядомымі дзеячамі культуры.
Прадстаўленыя на выставе публікацыі нагадаюць пра юбілейны XX Міжнародны фестываль мастацтваў “Славянскі базар у Віцебску”, Мінскі міжнародны калядны форум, ініцыятарам якога стаў Нацыянальны акадэмічны Вялікі тэатр оперы і балета, II Мінскі міжнародны конкурсе лічбавага мастацтва “Terra nova”, свята сярэднявечнай культуры “Гальшанскі замак”, XI Нацыянальны фестываль беларускай песні і паэзіі і інш.
Матэрыялы экспазіцыі раскажуць таксама аб падрыхтоўцы да маючых адбыцца мерапрыемстваў: Міжнароднага конкурсу “Еўрабачанне-2011”, у якім прымуць удзел дзеці, святаў – Дзень беларускага пісьменства, Дзень Мінска і інш.
Усяго на выстаўцы прадстаўлена каля 40 часопісаў і газет.
Кантактны тэлефон: 293-25-87.
 |
 |
 |
 |
 |
 |
