З 28 сакавіка ў бібліятэцы (3-ці паверх, кальцавы калідор) дэманструецца кніжна-ілюстрацыйная выстаўка “Лепшыя кнігі Беларусі” па выніках LVII Нацыянальнага конкурсу “Мастацтва кнігі”.
Сёлета на ўзнагароды прэстыжнага конкурсу “Мастацтва кнігі Беларусі” прэтэндавала каля 150 выданняў. Галоўнай прэміяй – Гран-пры ў намінацыі “Трыумф”, дыпломам імя Францыска Скарыны і “Вялікім залатым фаліянтам” – адзначаны альбом “Сусветная спадчына Францыска Скарыны”. Альбом выйшаў у рамках святкавання 500-годдзя беларускага кнігадрукавання і падрыхтаваны калектывам Нацыянальнай бібліятэкі Беларусі: навуковы рэдактар – доктар педагагічных навук, дырэктар бібліятэкі Раман Матульскі, складальнік, аўтар тэксту – намеснік дырэктара па навуковай рабоце і выдавецкай дзейнасці Аляксандр Суша, аўтар тэксту – загадчыца навукова-даследчага аддзела кнігазнаўства Галіна Кірэева.
У намінацыі “Майстэрства” за значны асабісты ўклад у падрыхтоўку выданняў, прысвечаных 500-годдзю беларускага кнігадрукавання спецыяльным дыпломам быў узнагароджаны Аляксандр Суша.
Нацыянальны конкурс “Мастацтва кнігі” праходзіць з 1960 года. Праводзіцца ён з мэтай развіцця кніжнага мастацтва, павышэння мастацкай і паліграфічнай культуры беларускай кнігі, папулярызацыі лепшых дасягненняў выдавецтваў краіны.
Выстаўка адрасавана шырокаму колу чытачоў і будзе дзейнічаць да 18 красавіка 2018 года.
Тэлефон для даведак: (8 017) 293 29 80.