З 21 мая па 15 чэрвеня ў зале абслугоўвання дакументамі міжнародных арганізацый Нацыянальнай бібліятэкі Беларусі (2 паверх, пакой 207g) адкрыта тэматычная кніжная выстаўка "Мужнасць дзеля міру", прысвечаная Міжнароднаму дню міратворцаў ААН.
Гэты дзень быў абвешчаны ў 2002 годзе Генеральнай Асамблеяй ААН (рэзалюцыя 57/129) і штогод святкуецца 29 мая. Менавіта ў гэты дзень у 1948 годзе першая міратворчая місія ААН прыступіла да аперацый у Палестыне. Зацвярджэння такога свята – гэта даніна павагі ўсім, хто ўдзельнічаў або працягвае ўдзельнічаць у міратворчых аперацыях ААН у інтарэсах падтрымання міру і бяспекі і дапамагае забяспечваць мір і стабільнасць у спустошаных вайной грамадствах. Гэты дзень з’яўляецца таксама днём памяці тых, хто аддаў жыццё за справу міру.
У аснове міратворчай дзейнасці ААН ляжыць шасцідзесяцігадовы вопыт работы ў вырашэнні складаных міждзяржаўных і ўнутрыдзяржаўных канфліктаў. ААН – універсальная міжнародная арганізацыя, якая валодае дзейсным механізмам падтрымання міру і бяспекі як мірнымі сродкамі ўрэгулявання канфліктаў, так і ваеннымі.
Ваенны, праваахоўны і грамадзянскі персанал ААН прымае ўдзел у цэлым шэрагу розных аперацый па ўсім свеце – ад раззбраення да маніторынга захавання правоў чалавека. Сёння больш за 100 000 міратворцаў з 115 краін удзельнічаюць у 18 аперацыях на чатырох мацерыках. У будучыні прадугледжаны дадатковыя разгортванні міратворчых сіл. Задача гэтых сіл складаецца ў стварэнні такога становішча, пры якім людзі атрымаюць магчымасць вярнуцца да нармальнага жыцця.
Прапанаваная чытачам выстаўка пазнаёміць з літаратурай па тэорыі і гісторыі міратворчасці, а таксама пашырыць уяўленне чытачоў аб ролі міратворчасці як адной з формаў палітыкі і галоўнай інструменту міжнародных адносін па ўрэгуляванні канфліктаў.
Прапанаваная чытачам выстаўка пазнаёміць з літаратурай па тэорыі і гісторыі міратворчасці, а таксама пашырыць уяўленне чытачоў аб ролі міратворчасці як адной з формаў палітыкі і галоўнай інструменту міжнародных адносін па ўрэгуляванні канфліктаў.
Экспазіцыя складаецца з наступных тэматычных раздзелаў:
- гісторыя стварэння і прымянення міратворчых сіл;
- дзейнасць ААН па правядзенні палітыкі па падтрыманні міру;
- дакументы рэгіянальных і міжнародных арганізацый, што датычаць міратворчай дзейнасці;
- міратворчасць як спосаб вырашэння канфліктаў;
- прымяненне ўзброеных сіл у міратворчых аперацыях.
Асноўную частку выданняў, экспанаваных на выстаўцы, складаюць дакументы ААН: кнігі, перыядычныя выданні, мімеаграфаваныя матэрыялы. Экспазіцыя налічвае каля 60 дакументаў на рускай і англійскай мовах.
Выстаўка будзе карысна для спецыялістаў у сферы міжнародных адносін і міжнароднага права, ваенных, палітыкаў, грамадскіх дзеячаў, навуковых супрацоўнікаў, выкладчыкаў, студэнтаў вну, а таксама для ўсіх, хто цікавіцца дзейнасцю сіл па падтрыманні міру.
 |
 |
 |
