З 5 студзеня па 28 лютага ў зале перыядычных выданняў (пам. 106) праходзіць тэматычная выстаўка “Разам у электроннае стагоддзе: мы і камп’ютар”.
Адным з рэвалюцыйных дасягненняў у сферы вылічальнай тэхнікі з’явілася стварэнне персанальных ЭВМ. З’яўленне персанальнага камп’ютара (ПК) справядліва лічаць грандыёзнай навукова-тэхнічнай рэвалюцыяй. З яго распаўсюджаннем радыкальна змяніліся метады руціннай і творчай працы амаль ва ўсіх сферах жыцця і дзейнасці чалавека.
У прадстаўленых на выстаўцы артыкулах расказваецца, што інтэнсіўнае развіццё галін народнай гаспадаркі патрабуе шырокага ўжывання ЭВМ, а значыць, і прыцягнення людзей, знаёмых з камп’ютарамі і абучаных зносінам з імі. Шматлікія публікацыі экспазіцыі прысвечаны тэме “Камп’ютар у адукацыі”.
Усяго экспазіцыя налічвае больш за 40 перыядычных выданняў, сярод якіх “Компьютер Пресс”, “Вы и ваш компьютер”, “IT Бел: технологии автоматизации бизнеса”, “Директор”, “Наука и инновации”, “Наука и военная безопасность”, “Компьютерная газета”. Профільных спецыялістаў зацікавяць артыкулы ў такіх часопісах, як “Экономика. Финансы. Управление”, “Вышэйшая школа”, “Отдел кадров”, “Веснік сувязі”, “Вестник Ассоциации белорусских банков”, “Технология безопасности” і інш.
Кантактны тэлефон: (8 017) 293 25 87.