З 20 мая па 31 жніўня ў Нацыянальнай бібліятэцы Беларусі (2-гі паверх, кальцавы калідор) ладзіцца тэматычная кніжная выстаўка “Свет вашых захапленняў”.
Напярэдадні летніх адпачынкаў наведвальнікам і чытачам бібліятэкі прапанавана яркая, арыгінальна аформленая, цікавая, пазнавальная выстаўка, адрасаваная аматарам-паляўнічым, рыбаловам, пчалярам, натуралістам, садаводам і агароднікам. Гэтая выстаўка–своеасаблівая энцыклапедыя многіх традыцыйных відаў захапленняў чалавека.
Паляванне як спорт, як разумны адпачынак, як сувязь з прыродай выпрацавала свае правілы і каноны, стварыўшы каларытную, цудоўную мову, асвечаную стагоддзямі, і падпарадкавала сваім традыцыям усіх, хто ўступае ў гэтую садружнасць!
Адкрывае экспазіцыю раздзел “Усё пра паляванне”. Госці выстаўкі знойдуць для сябе разнастайную інфармацыю па гісторыі традыцыйных відаў палявання; пазнаёмяцца з правіламі вядзення палявання ў Рэспубліцы Беларусь, нормамі адказнасці грамадзян за іх парушэнне; актуальнымі пытаннямі прававога рэгулявання палявання і вядзення паляўнічых гаспадарак; тэхналогіяй афармлення трафеяў. Чытачы атрымаюць вычарпальную інфармацыю пра лепшыя ўзоры паляўнічых і спартыўных стрэльбаў расійскай і замежнай вытворчасці; паляўнічыя нажы, прылады і сабак. Тут прадстаўлена таксама галерэя партрэтаў вялікіх паляўнічых.
Мастацтва самага масавага захаплення мільёнаў людзей, здольнага “паланіць” чалавека ў любым узросце, адлюстравана ў выданнях – экспанатах раздзела “Рыбалка: сакрэты поспеху”. Наведвальнікі выстаўкі знойдуць мноства карысных парад, якія узяты з рыбалоўнай практыкі і складаюць формулу паспяховага клёву: дапаможнік па аматарскай лоўлі з прымяненнем спінінга, паплавочнай і нахлыстовай вудаў з падрабязным апісаннем снасці і аснасткі, аксесуараў, відаў прынад, павадак рыб, тэхніцы і тактыцы іх лоўлі ва ўсе поры года. “Смачныя кнігі” з рознымі рэцэптамі прыгатавання страў з рыбы як у хатніх, так і ў паходных умовах, на кастры, таксама будуць карысныя зацікаўленым.
Пытанні арганізацыі аматарскай пасекі, сезонных работ на ёй, парады па ўтрыманні і размнажэнні пчол, інфармацыя пра важнейшыя меданосныя расліны, пароды меданосных пчол, неабходны інвентар пчаляра, прадукты пчалярства сабраны ў адпаведным раздзеле.
Энцыклапедыі і даведнікі лекавых раслін, кнігі пра плады і ягады, пра наяўнасць у іх карысных рэчываў і вітамінаў, парады па іх загатоўцы і кансервацыі, выданні па грыбаводстве прадстаўлены ў раздзеле “У лес уваходжу, нібы ў храм”.
Самая вялікая частка экспазіцыі пад назвай “Ваш сад і агарод” раскрывае многія сакрэты бывалых дачнікаў.
Кантактныя тэлефоны: 293-28-86, 293-29-80.
Карысныя спасылкі
Паляўнічым і рыбаловам:
- Дзяржаўная інспекцыя аховы жывёльнага і расліннага свету пры Прэзідэнце Рэспублікі Беларусь
- Міністэрства лясной гаспадаркі
- Міністэрства прыродных рэсурсаў і аховы навакольнага асяроддзя
- РУП "Белдзяржпаляванне"
- Паляўніча-рыбалоўныя гаспадаркі Беларусі
- Паляванне і рыбалка ў Беларусі
- Паляўнічая гаспадарка "Белы бор"
- Паляванне ў Беларусі на буйную і дробную дзічыну з BelForest-Centre
- Клуб беларускіх паляўнічых "Трапны стрэл"
- Краснасельская дзяржаўная лесагаспадарчая ўстанова (Мінская вобл.)
- Паляўнічыя ўгоддзі ў Беларусі (спіс форумаў)
- Паляўнічая гаспадарка ААТ "Белая тропа"
- Беларускі рыбалоўна-турысцкі партал
- Спецыялізаваны магазін аксесуараў для палявання і рыбалоўства
Садаводам і агароднікам:
- Мой сад
- Ваш цудоўны сад
- Газета "Дачница"
- Дачнікам
- Артыкул у дапамогу дачнікам
- Сад і агарод. Запіскі садавода
- Цуда-агарод
- Вінаград на прысядзібным участку
- Энцыклапедыя садавода і агародніка
- Садавод
- Часопіс для садаводаў