З 20 сакавіка чытачы і наведвальнікі Нацыянальнай бібліятэкі Беларусі могуць пазнаёміцца з тэматычнай кніжнай выстаўкай, прысвечанай Сусветнаму дню паэзіі.
Гэты дзень быў заснаваны дэлегатамі 30-й сесіі Генеральнай канферэнцыі ЮНЕСКА ў 1999 годзе, а першы Сусветны дзень паэзіі адзначаўся ў Парыжы 21 сакавіка 2000 года.
Што ж такое паэзія? Літаратурныя крытыкі і самі паэты прапаноўвалі шмат азначэнняў. Гаварылі, што паэзія – гэта мысленне выявамі. Уменне ўбачыць і паказаць свет з нечаканага боку, нязвыклае ў звыклым. Апавядаць адначасова пра вечнасць і пра свой час. Мастацтва выклікаць пачуцці і думкі абходным шляхам, акрамя прамых значэнняў слоў. Гавораць яшчэ, што паэзія – гэта вышэйшая форма існавання мовы... Кожнае з азначэнняў раскрывае нейкую важную грань паняцця, але не вычэрпвае яго.
Прапанаваная тэматычная кніжная выстаўка адкрывае палітру дзіўных асоб, велізарную разнастайнасць уяўленняў, уключае самыя яркія ўзоры сусветнай паэтычнай думкі, пачынаючы з мудрацоў Старажытнага свету і заканчваючы сучаснымі паэтамі-бардамі. У гэтай шматграннай праяве паэтычнага натхнення мы адчуваем нешта агульнае. Узаемапранікальнае пачуццё сусветнага адзінства ў кожным паэце ператварае гэту экспазіцыю не проста ў набор гукаў, а ў добра зладжаны аркестр.
На выстаўцы дэманструецца больш за 250 дакументаў з розных серый, сярод якіх:
- «Всемирная библиотека поэзии»;
- «Поэтическая библиотека»;
- «Бессмертная библиотека»;
- «Классическая и современная поэзия»;
- «Мастера перевода»;
- «Итоги века. Взгляд из России» (два тома «Строфы века»);
- «Драгоценные строфы китайской поэзии»;
- «Беларуская паэзія ХХ стагоддзя»;
- «Беларусь літаратурная».
Асобнае месца ў скарбніцы сусветнай літаратуры займае класічная ўсходняя паэзія, шырока асветленая ў экспазіцыі. Уключаны таксама творы аўтараў – лаўрэатаў Нобелеўскай айпрэміі за паэтычную творчасць, суправаджальныя шырокім даведачыным матэрыялам; зборнікі афарызмаў (выслоўі вядомых пісьменнікаў, філосафаў, навукоўцаў, грамадскіх і палітычных дзеячаў Усходу і Захаду з найстаражытнейшых часоў да нашых дзён).
Выстаўка разлічана на выхаванцаў старэйшых класаў школ, гімназій, ліцэяў, на студэнтаў-філолагаў, настаўнікаў-славеснікаў, на людзей, прафесійна звязаных з вывучэннем, выданнем, выкладаннем літаратуры, на аматараў паэзіі.
Размешчана ў кальцавым калідоры 3-га паверха (насупраць галерэі «Лабірынт»).
Кантактны тэлефон 293 28 86.
 |
 |
 |
 |
 |
 |
 |
 |
 |
 |
 |
 |
