З 4 красавіка па 6 мая 2008 года ў зале выяўленчых і відэадакументаў Нацыянальнай бібліятэкі Беларусі адкрыта выстаўка «Творца Высокага Адраджэння», прысвечаная 525-годдзю з дня нараджэння італьянскага жывапісца і архітэктара Рафаэля Санці (1483-1520).
У сваіх творах вялікі мастак эпохі Адраджэння ўвасобіў гуманістычныя ідэалы свабоды і зямнога шчасця, жыццесцвярджальныя уяўленні аб прыгажосці і дасканаласці чалавека, яго гармоніі зсусветам. Вяршыня творчасці Рафаэля - выявы мадоннаў, непаўторных па сваёй прыгажосці і духоўнаму багаццю.
На выстаўцы есць альбомы і кнігі, якія ўсебакова раскрываюць творчасць знакамітага мастака, а таксама эстампы, рэпрадукцыі і паштоўкі.
Экспазіцыя разлічана на ўсе катэгорыі чытачоў, якія цікавяцца эпохай Рэнесансу і творчасцю Рафаэля Санці.
Кантактны тэлефон: 293-27-58. 
