З 20 снежня па 13 студзеня ў зале выяўленчых і відэадакументаў (пам. 307) праходзіць выстаўка "У чаканні цуду".
Новы год і калядныя святы – час абнаўлення, весялосці, надзей і мрояў. Гэта час, калі мы можам вырвацца з руціннай мітусні і акунуцца ў напаўзабытае дзяцінства. Час, калі сэрца мімаволі замірае ў чаканні сустрэчы з казкай.
Наведаўшы выстаўку, вы станеце сведкам цудоўнага ператварэння рэальнасці, якое дорыць нам чароўны свет мастацтва. Вясёлыя снегавікі і жыццярадасныя дзяды маразы, лёгкакрылыя феі, цудоўныя снягуркі і іншыя героі навагодніх сюжэтаў узновяць незабыўную атмасферу чакання цуду напярэдадні Новага года.
Аснову экспазіцыі склалі выяўленчыя дакументы з фондаў Нацыянальнай бібліятэкі. Сярод экспанатаў – рэдкія замежныя паштоўкі пачатку XX ст., навагоднія плакаты 60–80 гг. XX ст., а таксама айчынныя паштоўкі савецкага і сучаснага перыядаў.
Усяго на выстаўцы прадстаўлена звыш 80 дакументаў.
Кантактны тэлефон: (8 017) 293 27 58.